Wanna One赖冠霖脚软跌落楼梯 金在奂惨食柠檬？
Wanna One由15日开始一连3日喺韩国举行粉丝见面会，当然有大批Wannable（Wanna One粉丝名）去支持啦！ 相信大家都知道Wanna One成为国民男团之后，行程一直都非常忙碌，几乎冇休息时间！Wanna One成员姜丹尼尔都曾经透露过每日大概只有两个钟头去瞓觉。 所以寻日（16日）就有Wannable发现台湾成员赖冠霖喺舞台上面因为身体感到不适，脚软直接跌咗落舞台出面嘅楼梯，吓死现场嘅Wannable同工作人员呀！而赖冠霖过咗大概七到八分钟之后先至重新喺舞台上面出现，其他Wanna One成员都劲紧张去睇下佢有冇事，之后都一直好照顾佢。希望今晚最后一场嘅见面会，赖冠霖可以撑住喇！
2017年韩国最忙偶像组合 TWICE、Wanna One、Highlight齐上榜！
不过就算已经有好多行程，Wanna One都好畀心机去准备唔同嘅表演畀大家睇，金在奂就成功喺Wannable面前表演台上食柠檬？金在奂明明系Wanna One嘅主唱担当，但就系因为今次喺台上食柠檬被Wannable觉得佢有资格挑战成为搞笑担当 。明明一粒好酸嘅柠檬，佢竟然系成个连皮放入口食！睇到隔篱赖冠霖个样就已经知道有几酸！但系金在奂竟然仲要同大家讲真系好好食，到底系真好食，定系见到啲Wannable所以觉得好好食呢？Wannable嘅立场就梗系心痛啦！仲有Wannable话:“金在奂食之前可唔可以睇下个皮有冇污糟㗎？”好期待到底下次金在焕又会带呢啲咩新奇嘅表演呢？
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/