G.E.M.孖超莲圣诞开P　送头发乌黑素系咩玩法？

邓紫棋（G.E.M.）昨晚在大连举行巡回演唱会，当地温度低至零下6度，她仍身穿红色心心衫加超短裙，真系好劲！完成演唱会之后，G.E.M.笑言今年终于可以放圣诞假庆祝一下。不过早前她原来已与好姊妹何超莲及李蕴等人在家开Party，还亲自下厨：“今年我哋自己整咗牛扒、温泉蛋、海胆、沙律，仲试咗煮一种暖酒。”

几个女仔开圣诞P，一定会交换圣诞礼物，G.E.M.就话自己玩开“Secret Santa”，她笑说：“呢个游戏系要收礼者估吓边个送礼物畀自己，我抽中送礼物嘅对象系一位成日坐 Office 嘅朋友，所以我买咗一条健身带畀佢，想佢系办公室可以活动筋骨。但我见到其他朋友送嘅礼物太大阵仗，我觉得自己份礼物实在太小儿科，我就即刻上屋企楼上揾吓有冇其他存货，顺便塞埋入去礼物袋度。”结果揾下揾下，阿G.E.M.找来一盒头发乌黑素做礼物，朋友见到之后唔知笑好定喊，阿G.E.M.话：“个朋友问我系咪嫌佢好老，要佢活动筋骨，又要佢乌黑头发！”