【溏心风暴3】胡琳首次拍剧同唐文龙有床戏：我系零记忆！

《溏心风暴3》内几乎都是电视机中常见的演员，虽然话个个都系好戏之人，夏雨、司祺姐、陈敏之等朝见口晚见面，难免都会睇到有啲闷。不过，近日就新出了一个耳目一新的角色，Daphne（胡琳），剧中胡琳更是饰演阿Nic（唐文龙）的娇妻。相信有听开黑胶唱片的人应该对这位被喻为“靓声天后”的胡琳应该不会陌生。

胡琳由2006年开始出道，歌唱事业至今都已经11年。不过原来胡琳是由纽约电影学院毕业。睇一睇，原来佢都算系茱莉亚罗拔丝的师妹。“其实我喺纽约读Performing Art嘅时候就已经对演戏好有兴趣。只不过做歌手系自己最大嘅兴趣同目标，所以先会做歌手。理所当然以歌手出道，即使对演戏有万般热诚，都未必有啱嘅机会去拍戏。今次好难得系家豪哥（刘家豪监制）俾呢一个机会我。”

胡琳接受《香港01》访问，谈到第一次拍剧的感觉。她说：“就算系平时唱歌even系演唱会出咗blue-ray之后，我都唔够胆睇返自己嘅演出，做戏就更加（唔够胆睇返），我一路睇一路觉得好尴尬。因为我要睇返自己有啲咩不足，所以我都会集集追。不过我只系接受到听返自己把声，但系睇返画面我都系想“中”自己。哈哈。（系因为拍亲热戏尴尬？）其实系纯粹见到自己个样尴尬。”

剧中胡琳就饰演唐文龙的老婆，有机会接触万千师奶心中嘅男神就梗系幸福啦。据知剧中除了陈敏之与唐文龙有激烈床戏之外，其实胡琳同唐文龙都有亲热戏份。不过胡琳对于这些亲热戏份就表示已经一概忘记了。“（套剧）就嚟出𠮶时，人哋问我有咩亲热戏。我系零记忆。我净系记得佢又锡我块面，但系我唔记得有锡嘴嘴。可能系因为佢将我带入个角色入面，所以我完全唔知。点解咁得意呢？不如你帮我问下佢，系咪有落药吖？”

讲到唐文龙呢个对手，胡琳仲系咁赞佢添，话佢演技好之余又带到佢入戏，令佢“深深地感觉到阿Nic（唐文龙）同Daphne（胡琳）好幸福”。问到胡琳享不享受与唐文龙拍戏时，胡琳就反问说：“你意思系唔系即系每次见到佢都想扯烂佢件衫？哈哈哈。其实我唔明点解佢着埋啲衫，都要好似就来爆开咁。佢可唔可以买大一个size？其实我身边嘅朋友讲起佢都会心心眼，所以我系佢哋嘅羡慕对象。”

胡琳作为初次拍剧的新手，不止剧内代入了“阿Nic老婆的角色”，戏外更是不能抽离角色。“我而家已经好返啦，拍紧剧𠮶一排，由于我深深相信我哋系幸福家庭，到我发现佢哋有婚外情之后𠮶一刻，我真系嬲左佢哋一个星期左右。”