【溏心风暴3】同唐文龙亲热戏　陈敏之唔想老公睇：老爷奶奶实闹

撰文： 张嘉敏
出版：更新：
陈敏之同唐文龙有好多场亲热戏。

无线50周年台庆重头剧《溏心风暴3》入面几条感情线，相信最有话题一定是唐文龙 (Michael) 与陈敏之的一段不伦恋。敏之所饰演的黄以爱，与Michael所饰演的人夫Nic由昨晚那集开始正式搭上并发生肉体关系，更激战连场，由床上玩到去浴室鸳鸯戏水，场面相当火辣，尺度非常大胆，睇到观众同网民都好投入，边睇边闹爆两人。而今晚两人甚至由香港偷情偷到去上海，借公干为名攞正牌“依泣”，仲公然在酒店泳池嬉水亲热，完全当饰演Nic老婆的胡琳死嘅，真系好过份！

陈敏之喺唐文龙屋企揽住佢，完全唔理人哋个老婆都喺度。

Michael今日接受电台访问时谈到同敏之的激情亲热戏，表示：“最初自己都唔敢睇，敏之老公都冇眼睇，我话要摆和头酒。咁大家都系工作，其实好多镜头都系靠借位，锡就冇借。𠮶场浴室戏其实冻到我哋两个死，因为冲凉淋水拍咗几个钟，转灯转位时我地最多都只系加件浴袍，真系冲到巢晒皮。同一日我哋仲有一场游水戏，拍到我哋冇哂热力。”

就系呢场冲凉戏冻到佢两个死。

至于敏之今日出席活动时就表示：“寻晚我老公冇睇呀，我想老公佢避一避啦，始终系老公，我又唔会迫佢睇。我同妈咪一齐睇，但咁样仲尴尬，我直情用棉被去包住自己，点知妈咪睇完就话我实畀老爷奶奶闹。佢哋好开通，唔会闹我嘅。”她指今次是她从影以来意识最大胆的一次，亦系最痛心的一次演出，拍的时候都怕会因为太投入角色而陷入低潮，好彩回家见到宝贝仔仔就开心晒。”

两个偷情偷到去上海。