期待亚视新《百万富翁》？ 当年周星驰就系答呢题攞走一百万！
撰文： 施可莹
出版：更新：
亚视复活成为了近期大家讨论嘅热话，但一讲起亚视，通常大家第一时间都会谂起《百万富翁》，点少得主持人陈启泰呢！其实亚视下星期一就会推出新嘅OTT数码平台，当然会食尽所有经典嘅老本啦！咁又点少得人气游戏节目《百万富翁》呢？但系大家新版嘅《百万富翁》就唔会再见到陈启泰主持，就转左前TVB高层陈志云，有陈志云倒戈相向嘅《百万富翁》大家又期待吗？未知新版嘅《百万富翁》会请到咩野嘉宾上去，但当年《百万富翁》就请到星爷周星驰上去玩，仲要拎到一百万！到底星爷系因为咩问题拎走一百万呢？
+2
当年周星驰就上去特别版嘅《少林足球百万富翁慈善夜》挑战一下，不但为亚视打败TVB由DO姐郑裕玲主持嘅《一笔OUT消》得到平均29点、最高34点嘅收视，更加为周星驰带来了一百万！当时周星驰同李敏就系因为答岩“西方著名音乐家萧邦死于哪种疾病？”而拎走一百万架！大家不如一齐玩下！
问题：西方著名音乐家萧邦死于哪种疾病？
正确答案系……“B. 肺结核病”！因为李敏一句“艺术家都系肺痨死”就帮周星驰得到一百万！不过因为系慈善赛，所以最后由玛丽医院得益，但过程已经为观众带来无穷乐趣呀！唔知新《百万富翁》有无可能再创经典呢？