【溏心风暴3】正爸专做老好人其实系懦夫　火姐终于忍唔住发火

无线50周年台庆重头剧《溏心风暴3》已经播了接近3个星期，许旺集团两家人，即是许家同黄家的争执与不和亦开始白热化，之前各人都仲会扮作面和心不和，现在基本上有咩不满都已经摆晒上面，完全唔惊畀对方知咁样，摆明要互相斗过。不过仍然有一个人成日都想息事宁人，就是由始至今都扮演住超级大好人角色的正爸 (夏雨饰演)。明明畀人踩到上心口都唔识反抗，讲真，有时真系睇到火都嚟！终于明白点解他老婆叫火姐 (李司棋)，对住个咁懦弱的老公好难唔发火，随时激到呕血。以下剧情含少量剧透，逃生门在此

今晚播出的第14集入面，向来好迁就许家的正爸就激到火姐发火闹他喇！剧情讲述集团开会时，两家人都想争做公司代表出席商界高峰论坛，明明主办单位已经邀请了正爸，而正爸亦都已经答应了会出席，但许家大少Alan开到口叫正爸畀他去，正爸就好乖咁让个位畀人，令到黄家上下都好不满。返到屋企，正爸仲话件事令他好无面，想移民，火姐终于忍唔住爆正爸话：“我就系唔要你咁呀！我唔畀你咁呀！黄永正，你嘅老好人就做到今日算喇，由听日开始，不准再让！”好心正爸自己争气些啦！