【溏心风暴3】许家唔识分庄闲要求多多　火姐亲自出手斗过

撰文： 张嘉敏
出版：更新：
黄家嘅人成日畀许家反客为主。

《溏心风暴3》已经播出了十多集，许家同黄家两家人的纷争亦愈来愈浮面，好多事都互相看不过眼。其实睇了咁多集都好唔明点解许家的人明明受紧黄家的恩惠，都可以成日声大大咁同黄家的人争，连基本感恩的心都无，仲好似是黄家欠了他们咁，总之就系对黄家诸多不满，一日到黑就只是想在许旺集团争夺话事权。正如关菊英所讲：“完全唔识分庄闲！”真系好离谱。而作为黄家一家之主的夏雨又无用，只会盲撑所谓的恩公，畀人踩到上心口都唔识反抗，所以今晚呢集火姐终于要出手了！

以下含少量剧透，逃生门在此

火姐氹返离家出走嘅二嫂同梁赞。

今集讲许家二少Adam（李成昌饰演） 为了想夺回许旺集团行政总裁一职，设局令梁赞（阮兆祥饰演）犯错，并召来律师Donald（蒋志光饰演）开公司会议，指控梁赞泄流公司机密，Adam直指梁赞不适合再继续出任CEO。许家大少Alan （李国麟饰演） 于是向黄永正（夏雨饰演）提出由Adam出任CEO，夏雨答应，但黄家上下均反对。

此时火姐 （李司棋饰演） 决定要亲自出马喇，她单拖去跟Alan和Donald谈判，为黄家出声：“开初嘅时候你哋𠮶边做主席，我哋呢边做CEO，大家都好满意呢个安排。但系依家你哋𠮶边做CEO喇㖞，咁我哋呢边系咪应该做返主席呢？Balance，两边要balance，咁样先至公平公正吖嘛。依家系我想许大少你让个主席位畀我坐。”火姐好型呀！

火姐单人匹马去同Alan谈判。
火姐唔似老公咁无用。