【3日2夜】被指声线表情太夸张　李旻芳：其实都算进步咗

自从TVB颁布了“禁色令”之后，J2节目《三日两夜》进行了深层清洁，著名的泳衣、浸温泉场面都大幅减少。不过，节目如何被净化，都会有一班固有观众，因为靓女才是最大的卖点。昨晚的《三》有李旻芳（Lucy）做主持，她就带大家到日本千叶县，吃了多款当地名物，可是有网民看完就觉得Lucy品尝食物表情太夸张，声线有点偏高，似乎是多集《三日两夜》里面，最多负评的女主持。

事后都有网民在她的Facebook专页留言：“你在三日两夜中说话声调很夸张。”Lucy其后回复留言：“ 谢谢你的提醒！ 我也在努力学习当中！希望每次出镜都要有进步。”《香港01》亦有访问Lucy，她笑言：“啲嘢食真系超好食㗎！日本冇嘢唔好食！”后来她再透露今集是她第一次自己一个主持旅游节目，所以有点紧张，但表现比之前有所进步。她看过节目之后，解释自己比较夸张的原因：“睇完其实觉得自己都算进步咗，因为平时自己做开《东张西望》主持，以时事议题居多⋯⋯所以比人感觉会较斯文同文静。

而今次自己主持旅游节目想呈现活泼开朗嘅一面比观众睇，想做返真正嘅自己去拍摄旅游节目～可能因为太兴奋，同埋其实自己系一个超级宅女⋯⋯所以有好多野都系第一次试同第一次见嘅时候，就会好兴奋⋯⋯拍摄时候忘咗形，无注意到自己表达嘅声线同表情，搞到好似反应好大咁！其实自己睇返都觉得有改善嘅空间。”

Lucy听到网民的意见表示没有不快：“我好乐意接受任何意见，始终自己演绎系好主观，一定要接受意见先可以有进步。我嘅目标系做出色嘅主持同司仪，我知道自己仲有段好长嘅路要行，沿路一定要虚心学习先可以成功。就算有一千个人赞，一个人弹，都系有改善嘅空间，咁先可以做到最好。所以我一啲都唔介意，反而好多谢佢哋。好开心有留意到我，咁我先知自己做得好唔好！”其实今次Lucy出发前做足功课，亦参考了其他节目主持的做法，希望观众可以看到她努力的一面，从而找到自己的定位。看过今集《三日两夜》之后，虽然Lucy有些表情是比较夸张，可是感受到她是出自真心，一来日本真系无嘢唔好食，二来食到好嘢有这个反应其实唔出奇！

另一方面，“禁色令”之后，Lucy在《三日两夜》浸温泉画面大量被剪走，她感到可惜：“其实去嘅温泉地方都唔系普遍香港人去开嘅。专程去咗几个唔同而又好地道嘅地方介绍温泉， 环境清幽舒服又好Relax，拍出嚟其实都好靓，所以cut 净好少都有啲可惜。”