苗侨伟同老婆戚美珍拍拖时成日嘈交　分手多次依然深爱对方

一个女人最幸福莫过于有个好爱锡自己的老公，有个温暖的家，所以三嫂戚美珍好幸福，当然三哥苗侨伟都一样啦！三哥三嫂结婚至今多年来依然恩爱如昔，人前人后都好sweet！之不过，原来苗侨伟同戚美珍以前拍拖的时候，甚至结婚初期都成日嗌交！三哥日前接受车淑梅的电台节目访问时，就大爆他和三嫂这些恋爱往事，仲话三嫂以前出了名是个“刁蛮小姐”，脾气相当火爆！

三哥苗侨伟仲话他和三嫂拍拖时其实分过好多次手：“我哋两个成日都会嘈交，大家都唔睇好我哋呢段恋情，正因为咁，我决心要将佢收服，每次分手之后都会复合。拍拖𠮶段日子就好似八年抗战咁。”就算对住三嫂呢个刁蛮公主，又分过咁多次手，三哥都依然深爱住三嫂，果然是个情深又专一的好男人呀！真系世间少有。

而每次苗侨伟同戚美珍发生争吵，都一定会是三哥首先收火，更会主动氹返三嫂：“由我哋拍拖开始，‘退一步海阔天空’呢七个字，已经深深印咗喺我嘅脑海入面，经常会用到。好在三嫂嘅脾气嚟得好爆，都走得好爽，其实好易氹。”肯先认低威氹女人的男人，当然又要加分啦！而当苗侨伟同戚美珍到有了自己小朋友的时候，感情就愈来愈稳定了。三哥由后生到依家成60岁都咁靓仔咁有男人味，在娱乐圈打滚多年见尽不少靓女，不过三哥对三嫂由始至终都非常专一，亦唔会有咩绯闻，三哥话：“我太怕麻烦喇，亦唔花心，屋企要理嘅事已经唔少，唔会再喺出面自取麻烦喇！”难怪三嫂可以咁放心啦！