苗侨伟夺大马视帝　王浩信一样开心 ：我一啲失落感都冇

《TVB星光荟萃颁奖典礼》日前（11月25日）就顺利举行完毕。虽然《踩过界》最后只夺得了“最喜爱TVB剧集”，而同时失落了“最喜爱TVB男女主角”。“盲侠”王浩信今天就专程由马来西亚漏夜赶回香港出席剧集《溏心风暴3》的宣传活动。王浩信接《香港01》访问时说：“攞唔到男主角奖，我一啲失落都冇。”

王浩信：“我反而好开心三哥（苗侨伟）攞到呢个奖。我同佢系由《型警》已经开始认识，佢系我恩师同埋朋友，但系我唔知原来佢咁多年嚟，冇攞过“最佳男主角”。佢做男主角个年资系同刘德华差唔多。所以我系好开心可以喺现场，同埋我冇见过三哥（苗侨伟）咁真情流露嘅激动。”

说到《踩过界》，王浩信就表示这个奖项是对台前幕后团队的肯定以及鼓励。“之前喺北京都攞过一次《十大精品网剧》，而每一次我都可以代替上台领奖“叨光”我都觉得好荣幸。”

至于《万千星辉颁奖典礼》中，王浩信有否信心 得到“最佳男主角”一奖，他接受《香港01》访问时说：“观众值得我攞，我就已经攞咗。”似乎王浩信对于奖项又没有甚么渴求。“点解我唔想将奖项作为奋斗目标，因为咁样系阻碍咗我喺戏剧上嘅进步。当然奖项系对演员一个肯定同鼓励，可能仲会系压力添。因为当演戏系一个兴趣嘅时候，我会每一分钟都谂紧呢样嘢；但系当佢变成工作嘅时候，个态度会唔同咗啰。”原来王浩信同好多演员一样，都当演戏系兴趣咁做，唔怪得《踩过界》咁好睇啦。

咁究竟《溏心风暴3》有咩系必睇位呢？《香港01》访问，王浩信：“我点都要推介一下自己嘅角色，由一个二世祖出入玩乐都系由Bosco（剧中是王浩信的舅父）一手包办嘅角色。点样因为同香香公主嘅感情而不断发愤成长，但系佢同香香嘅感情系不断咁错过对方，而不断成熟，最后变成一个真正嘅男人，去睇返住头家，再同Bosco形成一个对立关系。每一集嘅成长我都觉得想同观众分享。”后来他再补充第三辑与以往不同：他透露：“有别以往《溏心》系列，今辑《溏心风暴3》多咗正能量，少咗争产。大家会成日见到4大主角，菊姐、司琪姐、夏雨哥、祥仔，加埋我哋呢啲新血，我啦，敏之同大师兄Bosco，我哋成家人喺度唱歌。（唱咩歌？）唱一啲八十年代香港金曲。（王浩信更即席唱了2句：哪吒～不怕海龙王～）初头我哋都觉得香港家庭有冇人食食吓饭喺度唱歌。但系剪返出嚟发觉原来香港人就系需要呢啲温情同正能量。”

在《香港01》访问中，王浩信就稍微透露了一点他与香香《溏心风暴3》的感人位。“有2，3集系我同香香表白诉心声一啲感情浓郁嘅戏都系好推介。如果钟意啲激情啲嘅可能系2，30集左右，我哋会有一场多眼泪嘅戏。（咁讲即系可以当爱情片睇？）系吖，我同阿香（岑丽香）呢一条线可以当爱情片睇。我同阿香嘅爱情故事都系一路延续40集。”