张达伦挨13年终于做主角　“严谨”原来长期想放弃：真系等咗好耐

近期TVB开始重用默默耕耘多年，而且有实力的演员。继徐荣之后，入行13年的张达伦终于可以在新剧《好日子》里担任第二男主角。对于这个好消息，张达伦一听到便开始嘴角带笑：“真系等咗好耐！”

他续道：“做演员都要有一个过程，呢个过程唔代表啲乜，可以学到好多嘢，但嚟到呢一刻，都唔代表啲咩嘅，都系希望观众钟意我。”话虽如此，13年绝对不是短时间，在几千天之间，张达伦笑言：“我长期都想放弃！由以前基本上冇乜机会，不停唔知自己点样，返嚟做戏，好期待自己做咗主角就开心喇！”到开始有角色可以发挥如《爱·回家》的严谨，以及《不懂撒娇的女人》Oscar，张达伦都有过瓶颈位：“做到咁上下又会迷惘，究竟可以再点样做？”后来张达伦自我开解之后，尝试揣摩其他角色之后，豁达地说：“在这山，望那山永远唔会成功㗎。”因此他脱离了迷惘期。

除了自我开解，张达伦坦言别人的鼓励都很紧要。就算现在已经有太太，但张达伦仍难忘前女友黎芷珊的鼓励与教诲：“以前入呢行，都以为自己靓仔，做演员实有好多机会，但系芷珊佢以前都入行有一段日子，佢好清楚呢一行要经历啲乜嘢，所以佢以前成日闹我：‘有几靓仔啫？靓仔咁又点啫？如果你冇实力，咁就冇意思。’所以佢会叫我好好装备自己，做好自己就会有人欣赏。”张达伦将黎芷珊的话铭记于心，就算以前面对着两人地位的落差，他都觉得没有压力，非常感谢前女友的支持和鼓励。

张达伦现在的身份不同了，做了人夫及爸爸，更加需要搏杀：“而家做嘅每一件事都系为咗佢（囝囝）、为头家。以前自己唔食，咁咪唔食啰，但而家自己唔食，个囝都一定要食，做嘢都系为咗佢。”以前有芷珊姐姐，现在就有老婆鼓励：“佢同我讲：‘你得㗎！要畀心机呀！’佢做嘅每一件都系想畀我系无忧无虑，所以屋企有咩都系佢做晒！”讲起老婆，张达伦笑得再Sweet一点，真系好闪。