徐荣用十年时间拍处境剧　无发挥唔会认命：演艺路就系咁储返嚟

近年讲起徐荣，可能大家都会记得佢有位样子十足十洋娃娃的超级可爱的宝贝囡（包包），徐荣早年在处境剧《爱回家》饰演的马强都十分入屋，是不少观众心目中剧集功不可没的绿叶，最近他在新剧《BB来了》活动中，终于登上了男二的位置。在TVB挨足接近20年才第二次做男二的徐荣都有一番感受，“始终都咁多年，年资方面都觉得自己系慢咗，可能要再勤力啲，系度咁多年都每一步每一步由无对白，变一句对白，一场戏变一集戏咁，唯有系样样都做好佢。”

毕业于1998年第13期艺训班的徐荣，同期同学有林峰及杨怡均都变成一线小生花旦再北上揾真银，他当年见到都好惊讶 ，“初初都觉得哗！佢地咁快嘅。之后谂下其实每个演员都有自己嘅岗位，我未做主角嘅时候咪做好配角嘅岗位，一样可以有发挥，无话认唔认命。”终他于在 2007年藉著《同事三分亲》中裘俊一角尝试走红嘅滋味，加入TVB 10年才遇到一个好角色，意志唔够坚定嘅人真系可能系头几年就放弃，徐荣称：“初初入行当然有谂过放弃，而家都10几年，𠮶心态已经惯左，觉得自己唔会系一炮而红的嘅人，系要慢慢黎。”他坦言对于演戏嘅火仲未熄，“我觉得演艺路就系咁样储返嚟，我又拍左10年处境剧，我都要洗一洗个个角色，其实我都要，呢啲嘢真系无得急。”前年再度荣升父亲的徐荣，对于角色方面会否但求有个位做呢？他说，“咁都要对自己有要求嘅，当然唔可以令自己做返以前无咩对白嘅角色喇。(会唔会都想做男一？)绝对想，我紧系想做男主角，角色始终控制唔到，要睇公司安排。”

讲到样子十分趣致的女儿徐心怡（包包）出世后，除了在《爱回家》客串几集做马家好之外，亦有同爸爸一齐孖住上代言产品，令到不少人都觉得父凭女贵，徐荣在访问中亦笑言话要澄清一下，“无错收入是增加了，但其实唔关包包事，佢唔系拍过太多广告，都系1-2个，所有嘢其实真系唔系好多钱。我都有番啲身价㗎嘛，佢只不过有2年年资。”他指包包同大仔karson都系读国际学校，“虽然学费贵好多，但希望佢地可以有个开心嘅童年，唯有自己辛苦啲揾钱。”讲到包包，一定要提下只有2岁嘅佢，Instagram上已有超过2万名粉丝，徐荣亦有透露最新动向，“佢最近好多嘢讲，有时会讲啲你无听过佢讲嘅嘢，最近抱佢入房，佢会叫我开灯，我觉得几精彩。”