SE7EN前女友朴韩星自爆有BB？ 为拍《时尚妈妈》延至2018先结婚
撰文： 沈洛嘉
出版：更新：
SE7EN前女友朴韩星今日宣布做妈妈喇！曾经SE7EN同朴韩星呢对模范恋人令不少Kpop圈内外嘅朋友、粉丝都相当羡慕，两人高中时期已经认识并开始交往，直至2009年公开恋情至2014年年初分手，才为这段总共历时12年的爱情长跑画下句号。之后,朴韩星曾经同演员郑恩宇拍拖，据知因为太大压力所以分手，后再遇到现任圈外老公，而SE7EN就同李多海拍紧拖，亦经超过1年添喇！
+8
朴韩星今日就喺个人Instagram写低对主演韩剧《时尚妈妈》大结局嘅感想，再自爆自己已经系怀孕4个月嘅准妈妈，又讲已经同老公完成咗结婚登记添！朴韩星写下：“虽然角色是机械人而不是真的人，同时亦是我首次尝试做妈妈嘅角色，很神奇地角色竟成为了现实！现在我是怀孕4个月的准妈妈！《时尚妈妈》真的当妈妈了！我已经跟心地善良嘅爸爸完成咗结婚登记，首先会以简单嘅家族聚餐代替仪式，可以嘅话希望最快出年安静举行婚礼。”
据知朴韩星老公系同佢同龄嘅金融界人士，两人曾喺6月传过绯闻，但就冇公开回应，其后朴韩星仲喺朱相昱同车艺莲嘅婚礼上接到花球！朴韩星同佢老公本来打算今年10月份结婚，但因为朴韩星要拍韩剧《时尚妈妈》而要延迟。其实朴韩星演出当时就已经怀有身孕，但为咗唔影响《时尚妈妈》先会有所隐瞒，希望朴韩星可以尽快做个靓靓新娘子啦！
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/