【Wanna One Go洋葱篇】李大辉突然爆喊　原来细细个爸爸已经过身

Wanna One Go第二季喺上星期五首播，令一众等咗好耐嘅Wannable（Wanna One粉丝名称）都好兴奋，唔单止死守直播，仲喺直播完咗之后即刻再重睇一次Wanna One Go添！睇嚟一众Wannable真系忍咗好耐啊！今集Wanna One Go终于都公开咗节目组带Wanna One去一间秘密房间，原来就系ZERO BASE！入面仲放置咗好多唔同嘅游戏，成班大男孩一入到去就紧系相当兴奋，仲即刻试玩！节目组亦都好贴心分别设立咗11间主题房间，每一间都系为咗各成员而度身订造，提供个人空间俾Wanna One。但系姜丹尼尔就喺自己嘅房间发现咗啲“特别嘢”，仲召集晒其他Wanna One嘅成员去佢房到，但想知发生咩事，就要等今个星期五揭晓喇！

不过今集最令人揪心的一定是Wanna One遇上Little Wanna One𠮶时，其中一名Little Wanna One李周元（音译）就摹倣电影《Wonderful Radio》一幕，讲到再唔能够同爸爸见面所以写信俾爸爸喺电台读出嚟嘅场面，台词讲到嘅“爸爸你睇到我吗？”再加上李周元擡头向上望嘅演技，已经令李大辉开始眼泛泪光，朴佑镇睇到年纪轻轻嘅李周元有感人嘅演技同大辉嘅反应都擘大咗个口。

【Wanna One Go 2】全员一齐去济洲岛旅行？　裴珍映扮雨神Rain

当李周元再演绎埋“爸爸过咗身之后，我同妈妈都过得好辛苦，爸爸你知呀可？妈咪结咗婚，我好唔钟意𠮶个叔叔佢话好钟意我，我真系好讨厌𠮶个叔叔，但佢望住我话有我咁嘅囝觉得好开心，爸爸对唔住啊！爸爸！我好挂住你！爸爸！我爱你！”李大辉已经喊到收唔到声，正当成员们都急住揾纸巾比李周元时，朴佑镇就话：“比起𠮶边（李周元），呢边（李大辉）更需要纸巾。”

更多图片

原来大辉除咗大赞李周元演技好好之外，呢一段演出其实同大辉细个时候所经历过嘅事都好相似，大辉嘅爸爸喺佢好细个𠮶时就已经过咗身，所以引起大辉嘅同感令到佢爆喊！最后大辉仲问李周元：“系演技嚟嫁嘛？好彩系演技嚟咋。”到最后都仲关心李周元嘅大辉真系好乖好暖男！

李大辉爆喊片段

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/