【后生仔倾吓偈】坤哥PTGF点样拣？　自爆最爱白滑身材好

近年香港兴起“出租男/女友”(即系ptgf同ptbf)，明码实价向陌生人提供逛街、看戏、吃饭等陪伴服务，引起社会上有关道德价值观的争议。J2节目《后生仔倾吓偈》中一向讨论时下最年青人最流行的话题，点少得呢个话题呢？ 麦明诗就话求学时当时最流行的话题系“援交”，她表示当时会谂，“我开始质疑现在好多时候性开放，有啲男仔女仔唔系in relationship，去一夜情寻求一时的欢愉，有啲人我去援交，用呢啲去换取金钱，咁其实点解我地咁judge，我唔系话无错，我觉得要想下点解系错，起码你觉得你嘅贞操有𠮶价值，但如果你周围去去happy，咁咪仲低贱。”

其后主持6号就叫八位KOL各自撰写一篇出租男友、女友“自介”(自我介绍)，吸引两位客人麦明诗同坤哥光顾。KOL们都写住“夹爆苍蝇”、“最尽拖手”、“出街1000蚊”、“睇戏食饭2000蚊”，麦明诗仲用一把可爱嘅声音读出KOL的自我介绍，“希望可以吸引到监制留意到其表演，揾我拍到破格嘅表演，李佳芯都系咁爆红出黎！”坤哥就话最爱“白滑同大波”，仲应一班KOL要求讲，“我最钟意大波妹！”最后二人睇到自己拣嘅KOL都话无拣错，笑爆全场。