【超时空男臣】徐荣系最强大台勤力王：我应该更加搏命 !

“抢打出头鸟”尤其中国人社会，太表现自己，老板觉得你功高盖主，同事又会觉得你想出位而憎你，太低调又惊老板觉得你没有利用价值，成为栽员热门人选，所以一位员工，如果能够在大机构生存十几廿年，稳步上扬，老板、同事又like你，其实是一门高深学问，43岁徐荣可算是这门学问的代表，在无线工作了１８年，由茄哩啡开始，做到有入屋角色，《爱‧回家》的马强，令一众师奶都认得，最近《超时空男臣》饰演大奸角卓华亦抢镜，他说：“我剩系识“dup”低头做嘢嘅人。”

徐荣无论名字及外型给人感觉像一头牛，现实中的他亦是，他的故事不热血、没有太大转折、没有感人位，但好实在，每一间大公司都会他这种人，他说：“我由路人甲乙丙、冇对白喺后面过镜做起，喺戚其义监制俾好多机会我，其实我唔知点解？以前都会谂，我做亲啲角色都唔起眼，唔好讲话起眼，直头都冇人睇到，我都灰心过，都会问自己仲继唔继好，尤其见到同期嘅都有啲成绩嘅时候，但既然都系到喇，不如认真啲做啦，可能之后有机呢？”徐荣是1999年第13期艺员训练班，同期是林峰、杨怡、扬明等。

徐荣爱足球，闲时同一众演员及幕后踢波，更有TVB重炮之称，网友亦说他样子像荷兰球星尹尼斯杜莱，他说：“我钟意巴塞恩尼斯达，利物浦就古天奴。”，徐荣爱球星，但他暂时未算星级，他像一个防守中场，不起眼但不可或缺，他说：“我系唔起眼㗎，但如果做到你话嘅不可或缺都好，事实上喺套剧上面，我唔系男臣，但我系大奸角㖞，冇我对付佢哋又唔得㖞，都真系不可或缺呀。。。其实巴斯基斯、占士米拿都系好波㗎，哈哈。”

球迷有句“好唔好波有人睇到嘅”，但至少你要有出场机会，徐荣在06年之前，位置介乎执波仔和后备球员之间，间唔中落下场，有没有人看到他“好波”都成问题，但徐荣没有多想，继续低调做人，但原来勤力真的有回报，06年拍完《火舞黄沙》后，即被助理总经理（戏剧制作）曾励珍赏识，叫他去拍处境剧，徐荣由没有人识，到开始有人叫得出他剧中角色名字，《同时三分亲》裘俊、《毕打自己人》包国仁，再到《爱‧回家》马强，一个又一个入屋角色，令人记得他叫徐荣，他说：“听人讲啲监制、高层除咗睇主角外，会好留意后面𠮶啲路人甲演员，我真系唔知，我亦同高层唔熟，都唔知点解阿姐俾机会我，我亦冇问过，但我知道如果真系咁嘅话，咁而家我就应该更加搏命。”徐荣现身在大陆拍《大帅哥》外景，找他访问时，他千叮万瞩要写《超时空男臣》多一点，他说：“其实我冇乜好写，我好闷㗎，你不如写多啲套剧啦，𠮶三位男臣之后嘅剧情...（下删200字）。。。.（而家写剧透冇人睇㗎）哦。系咩.......唔系㖞，其实之后我同萧正楠....(再删200字)”襟捞啰