【韩国直击】明洞潮流街拍 跟BLACKPINK同AOA穿咩最型？
当你以为韩国好冻？Sorry，你错了！其实韩国就算得3度，感觉上都只系冻香港少少而已，所以大家不妨睇吓韩国宜家流行啲咩？下个月穿起来就可以追上韩国时下嘅潮流了！特别系Kpop明星更系潮流尖端，今次《HK01》记者单系在明洞街头，就找到BLACKPINK、AOA影子的韩国型人进行街拍，等大家直接睇吓最贴地嘅韩国潮流。
摄影：特约记者
今年韩国最流行嘅元素绝对是“灰色”和“格仔”，所以在任何服装店都一定会揾到“灰色”和“格仔”的穿搭。当然，韩国人近年都走在潮流尖端，引领亚洲时尚文化，因此不难在街上找到当地人以“灰色”和“格仔”去穿搭出不同的造型。
【灰色格仔西装】
灰色格仔西装褛绝对是今个冬天嘅must-have item，潮流又有Girl Crush的味道，配上不失女人味的爽朗短发造型，打破一般对女生的印象，斯文得来不失型格。上图的韩妹以同一格仔图案的西装褛加上西装裙，上衣则以简约嘅黑色去配搭，不会抢去“格仔”的目光。就连顶级女团BLACKPINK成员Jennie，都曾经以全身格仔打扮作为机场时尚，所以想行Girl Crush路线的朋友不妨参考啊！
今个秋冬必备item！ 《医疗船》河智苑、TWICE都穿灰色格仔
【灰色毛衣 + 皮裙】
西装不是每个女生都可以carry到，因为Girl Crush同“男仔头”只系一线之差！想有女人味又潮穿今季大热的灰色就可以学吓相中韩妹的穿搭。灰色毛衣可以keep到女人味又hit到潮流，只要加上黑色皮裙就马上型格起来，所以穿裙子一样可以Girl Crush啊！下面有宣美（又译：善美）、少女时代成员润娥（又译：允儿）等韩星示范，其实唔难carry㗎！
【首尔时装周直击】Apink初珑N@VIXX加孝琳 韩团队长撑YCH、YOOX
【格仔连身裙 + 啡色大褛】
唔想穿灰色咁阴沉，又想做潮人？不妨可以考虑“格仔”的图案。韩妹一向钟情于大地色系，又young又易carry，加上大褛一直都系韩国嘅长青款式，所以不妨考虑呢个穿搭。大地色系一定冇问题！先看看李炳宪老婆李珉廷，同女团AOA成员Yuna嘅示范，就知道点衬最靓！
【必备校园风】
T-shirt + 棒球褛 + 牛仔裤 = 韩国大学校园风！棒球褛系韩国大学不同学系都会有自己嘅“系褛”，就好似香港嘅Soc-Tee一样，所以基本上每个大学生屋企都会有一件。加上棒球系韩国嘅国民运动，棒球褛因而成为大众必备之选，穿上的话仲可以令你重拾校园风。
【长青牛仔褛】
如果大家只系想睇落潮少少，而唔打算追到潮流最尖端的话，牛仔款打扮就一定帮到你！牛仔款T恤、背心、花花、纯色咩都得，只要出面系牛仔褛就可以遮掩入面的衣着，其他穿得几hea都冇人知！
【简约舒适风】
最后揾来一位韩国男士，不过同大家见开嘅oppa几唔一样，事关呢位oppa重视舒适度多啲！佢透过黑、白色去mix and match，并穿上多重衣服和饰物去提升层次感，令整体简约得来不失潮味，睇落仲有少少日本街头风！
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/