gu9udan世正《首尔时装周》派心心 型格Fleamadonna着到变可爱
《2018 S/S HERA首尔时装周》今日开幕了！每年嘅《首尔时装周》都会吸引好多韩牌参加，仲会邀请到很多韩流明星亲自着上品牌新衫撑场，如果大家追开韩国fashion，就一定要留意佢哋嘅衬搭，因为呢个将会系今年嘅潮流trend！而今日下午时装品牌Fleamadonna喺首尔DDP举行collection show，就邀得gu9udan成员世正、孝敏、誉恩、演员陈世娫等等出席，又系大家参考佢哋衣着嘅好时机喇！
摄影：特约记者
gu9udan世正
品牌Fleamadonna自2007年成立，至今已经达10年，品牌名称嘅灵感系来自意大利文“Prima donna”，即系歌剧入面嘅首席女主音，品牌宗旨系为爱自己、拥有个人style嘅女性设计服饰，而Fleamadonna嘅作品都好忠于初衷，行嘅系型格、轻熟路线。不过，gu9udan成员世正今日着住品牌白色一字肩ruffle top，配搭粉色暗花超短裤现身，仲摆出心心手势，呢个衬搭一啲都唔型格，反而好少女好可爱！
gu9udan世正呢件价值169200韩圜（约1167港币）嘅上衣，睇下Model嘅着法，下身配搭墨绿色长裤，又真系几有型：
陈世娫、李絮
Fleamadonna嘅collection show入面，陈世娫同李絮两位女演员都有现身，而佢哋嘅打扮比起gu9udan世正就更加有成熟味。陈世娫着住白色暗花上衣，配衬浅蓝色暗花半截裙，好有浪漫嘅感觉！而李絮就着上银白色闪片衬衣，领口位仲有流苏设计，华丽嘅上衣搭衬简单黑色喇叭长裤，成熟又庄重，配合演员嘅身分。
更多图片：
宇宙少女程潇
gu9udan世正今日以清新可爱风格现身，但同样系女团成员嘅宇宙少女程潇，今日就行casual路线，身穿品牌嘅红色RSVP长身oversize T恤，下身衬黑色不对称短裙，简单得来又够smart，同世正嘅粉色系好唔同！
gu9udan世正今日以清新可爱风格现身，但同样系女团成员嘅宇宙少女程潇，今日就行casual路线，身穿品牌嘅红色RSVP长身oversize T恤，下身衬黑色不对称短裙，简单得来又够smart，同世正嘅粉色系好唔同！
更多宇宙少女程潇图片：
【首尔时装周．直击】徐玄Tiffany孝敏现身 FleaMadonna型格俏皮
金珍京、誉恩、Heize
天气转凉，又系换冬季嘅时候！Jacket就系最抢手嘅item之一喇！模特儿金珍京、前Wonder Girls成员誉恩、歌手Heize呢3位女神出席活动时，就齐齐着上品牌嘅jacket现身，佢哋嘅外套强调膊头同腰部嘅线条，令3位更有型格、干练嘅感觉！
更多金珍京、誉恩、Heize图片：
孝敏
T-ara成员孝敏以长身白色皮带恤衫，衬黑色窄身及膝长裙，好有职场女强人嘅气势！恤衫腰间嘅皮带设计，唔单止突显咗腰部线条，垂到脚边嘅长度亦令整体嘅造型冇咁沉闷！
更多孝敏图片：
金裁经
前Rainbow成员金裁经今日嘅造型充满冬天感，棕色毛毛格仔外套，内衬黑色樽领上衣同黑色皮裙，好型呀！佢仲将外套嘅腰带随意绑起，令型格之余又有点不经意嘅感觉，girl crush就系咁喇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/