【热恋100天】奇妙电视新剧开播冇人知　唐贝诗：呢次系我第一次

讲起煲剧，香港人现在已经差不多放弃香港剧集。唔少新一代都宁愿睇韩剧、美剧，甚至泰剧，都唔睇港剧。就算支持本地制作，大多数人都是收看TVB。无办法，惯性收视嘛！不过香港地的免费电视牌照除了扭开部电视就见到的TVB之外，其实还有ViuTV以及部分地区仲系“追唔到台”的奇妙电视。正当ViuTV开始制作自家剧集之际，原来奇妙电视已经静悄悄地推出咗《热恋100天》呢套剧，真系唔讲都冇人知...

虽然剧就冇咩人提起，不过剧中都有一些值得注意的演员，例如初次担正做电视剧女主角的唐贝诗。唐贝诗接受《香港01》访问时就道：“呢次系我第一次拍电视剧，同埋呢套系青春爱情剧。故事讲我同另外2个女仔住埋同一个宿舍，咁就有3段唔同嘅爱情线。”不过讲到唐贝诗最为人熟悉或者深印象的，除了“盆景猫”事件之外，应该是星二代的身份。

妈妈是1982年香港小姐季军寇鸿萍的她，再加上契妈就是DoDo姐郑裕玲。照道理加入娱乐圈的最快途径就应该是选香港小姐，不过她却选择了另一个方法。“当初都好多人提议过我选港姐，但系一来妈咪始终赢过，如果落选我就会好丑，我自己会觉得好冇面咁，所以当时就有呢个包袱。加上要著3点式，虽然之后拍旅游节目都有著过，但都只系比坚尼加条短裤咁，其实当时我对自己身材冇乜信心。”都啱嘅，著比坚尼上电视㖞，全港7百万人都睇到，你估个个接受到咩。

问到唐贝诗点解唔入TVB拍剧，反而会在奇妙电视亮相。她就回答就：“TVB梗系有兴趣啦，因为始终入屋吖嘛。其实我都有客串过《溏心风暴》一个角色。我自己就冇签电视台嘅，宜家系签萧定一间经理人公司，经理人公司都会介绍我俾不同嘅电视台作尝试。入TVB发展就一定想啦，因为对自己名气同埋演技都有好大帮助。”不过有不成文规定说，所有在有线电视或ViuTV亮相拍节目拍剧的演员，TVB短期内都唔会用。唔知唐贝诗又知唔知呢？你知出面好多人都话TVB“小器”啦！