【反黑】导演宋本中庆功宴暗示下季有谢天华？“会见到㗎喇！”

深受剧迷喜爱的4K网剧《反黑》成绩理想，截至现在内地的点击率已达13.8亿，而YouTube的点击率则有2千8百万。在该剧播出大结局的一晚，剧组就举行了庆功宴，导演宋本中带埋龙头棍出来主持大局，并正式宣布将会开拍第二季和第三季。

至于大家都很关心的新一季演员阵容，到底是否真的会有郑伊健、谢天华、黄秋生以及张耀扬等，导演就表示：“总之第二季会有重磅演员加入，系边个就未公布得住，我哋其实已经谂定3季嘅概念，所以唔可以咁快用晒啲演员，要慢慢加入。我只可以讲网上流传𠮶啲演员阵容有大部份都会参演。我哋呢套剧系向90年代嘅黑社会电影致敬，当然会加入一啲《古惑仔》电影系列嘅经典角色啦，大家拭目以待。”而编剧钟盛远就透露下季大sir房就会有一个很有份量的角色进驻。

对于有传一些在第一季死去的角色，会在第二季复活，宋导演说：“我哋会将一啲好受欢迎嘅角色重现，无话系复活呀，我哋会有好合理嘅解释点解佢哋无死到嘅。”编剧就大爆：“下季B1-1组会有一个队员变节，系边个同点解就梗系唔讲得啦。”又有传话谢天华已表示不会演出该剧的第二季，一直不肯透露下季全新演员阵容的宋导演，闻言即表示：“有佢呀，我哋系好想佢加入，其实第一季已经有揾佢，不过未出现到，第二季大家会见到㗎喇。（即系谢天华落实咗会演？）都系等官方公布啦，我唔讲得住。下季预计出年1月开拍，开拍前就会公布晒所有嘢，大概喺圣诞节，就当系圣诞礼物啦。”

至于第二季的制作费有多少，宋导演表示要视乎剧本，李灿琛就笑言最好有10亿。提到这部中资剧被指踩英国政府，导演否认说：“无踩，系以前无人讲啫，系历史事实嚟，无谂过任何政治元素，纯粹系一份情怀。我哋系戏剧嚟，已经讲明如有雷同，实属虚构，今季系完整嘅30集故事嚟，第二季会有新主题。”他又为该剧突然宣布要下架解画：“系为咗提升节目质素，将会变成2.0版本再播放，都系免费嘅，日期就未知几时，等官方公布。”

他直言没有想过该剧会有这么好的成绩：“适逢今年系反黑组成立60周年，别具意义。真系无谂过反应会咁好，全球4k播放得我哋做到，好巴闭，连google同youtube都嚟请教我系点样可以做到嘅，完全系意想不到。嚟紧我哋都想加韩文同日文字幕，等多啲人可以睇到。警匪片系亚洲独有嘅，我细个就有睇，好多正能量，讲情与义。我哋套剧无特技，但赢在有情，一份港式嘅人情味，我哋要团结，大家系一家人，一齐体现狮子山精神。”