【使徒行者2．剧透】所有鬼头仔身份揭盅　许Sir竟然唔系警察？

《使徒行者2》今晚来个高潮位，有两个大人物身份终于被揭穿。第一个就系乐少(周柏豪饰)，原来佢并唔系真正嘅卧底，佢扮卧底埋卓Sir(苗侨伟饰)身只系为咗报仇，不过并唔系为咗Pak-key（黄德斌）咁简单，而系为佢阿哥－乐少文。呢个阿哥并没有在剧中出现，只系乐少自己口讲，乐少文先系真正嘅黎Sir卧底，同乐少一样都系孤儿院长大，在做卧底的过程当中，发现黑警的存在并被其追杀，所以当时走佬去到泰国揾细佬乐少救命。可惜最后都系难逃黑警的魔手，临死前叫乐少通知黎Sir黑警的事，不过黎Sir又死埋，所以乐少唯有埋卓Sir身，就系要杀晒啲黑警为阿哥报仇。

至于第二位大人物，就系警队高层，警务处刑事部助理处长许启发(邓梓峰饰)，今集佢就现身同魏德信(陈豪饰)正式会面，证明他们是合作的形式，而且表明Madam Cheung(蒋祖曼饰)系佢女人，所以好想杀死乐少报仇，之后仲杀死乐少好兄弟挞Q(谢东闵饰)，不过唔好以为佢真系咁重情重义，迟啲佢就会杀死Madam Cheung个阿妈。同埋原来佢并唔系真系警察，本身系黑社会“雄鹰”头目大只豪（赵冠豪），之后后死真正的许启发再取代其身份，竟然无人发现，无线真系咁都得？

除咗呢两个人，今集仲有啲提示暗示速龙的身份，其实佢并唔系真正的卧底，佢只系魏德信派入警方的人，所以佢系双重卧底身份。最终佢竟然出卖自己的主人魏德信，可惜最后都系俾佢杀死，不得善终。