【使徒行者2】卓Sir系天煞孤星　又一个身边卧底被死神召唤

《使徒行者》隔咗两日终于同大家又再见面，上集讲到徐天堂争啲俾飞机笃爆佢系卧底，结果同乐少两个人夹手夹脚杀咗飞机，魏德信嬲到震，决定要将成个福和删除。而卓Sir成功组成民间刑事情报科去调查黑警，乐少同徐天堂两人终于冰释前嫌，成功讲和。另一边厢，魏德信杀死了自己的合作伙伴Mr. White，看来他还有更加大的作为。

以下有少量剧透，逃生门在此。

话返转头，剧初卓Sir应承过好朋友兼同事黎Sir，会尽力帮佢揾返失散咗嘅卧底同保护佢哋嘅安全。卧底暂时成功揾咗3个（乐少唔计住，详情请睇：http://bit.ly/2fXh7ER），最新加入嘅Cherry就最令人估唔到，呢样不得不赞吓编剧嘅功力。但系Cherry只得短暂嘅光辉，因为今晚佢就会俾自己的黑警男朋友朱志彬射杀，结局十分凄惨。卓Sir最终都系做唔到应承咗黎Sir嘅事，不过其实都唔怪得佢，因为佢好似永远都有阵黑气缠身咁，喺泰国死咗5个卧底（当中有一个可能未死，详情请睇：http://bit.ly/2icUcpJ），返到香港好兄弟黎Sir死咗，徒弟朱志彬又变黑警，绝对可以做剧入面嘅黑仔王。

Cherry就已死咗，麦明诗(Louisa)嘅戏份亦随之落幕，不过未必会有人觉得可惜，始终她的演技一直被人耻笑。不过继《赌城群英会》小试牛刀之后，今次在《使徒行者2》的表现尚算有进步，起码已经搣甩咗剩系读对白呢样缺点先，开始有返多啲用身体或者面去做戏，再无咆哮式演技，立即顺眼不少，之后紧接播放嘅《夸世代》又系有佢份，希望佢会继续有进步喇。