【使徒行者2】卓Sir组织民间刑事情报科　神秘人将会重生加入

最新一集的《使徒行者2》，卓Sir（苗侨伟饰）终于被人识穿是卧底，所以他亦顺理成章重返警队。不过作为黑警的Ben Sir（魏焌皓饰）紧系唔会咁易放过佢，所以就派咗啲伙记去跟踪佢，不过当然瞒唔过卓Sir喇，而佢亦都唔会束手就擒，决定要揾一班人反过来调查这班黑警，所以就去咗警察资料库入面揾吓有咩人可以帮手，结果有三个人名出现，分别系罗小丝（黄山怡饰）、李文雄（陈国峰饰）和佘乐成（乔宝宝饰）。㖊日𠮶集罗小丝已经出现，在预告中看得到另外两人也会在今晚出现。

以下内容将会剧透。逃生门在此。

话说今晚呢集卓Sir就会成立一个民间刑事情报科，除了上述呢三个人之外，仲会有埋其余四个卧底，分别系乐少（周柏豪饰）、梅姐（黄翠如饰）、徐天堂（袁伟豪饰）和Cherry（麦明诗饰）。新加入的三位绝对不是泛泛之辈，各自怀有相属的技能，罗小丝系前指挥及控制中心警察通讯员，除了口才了得，仲十分擅长角色扮演，很多潜入任务都要靠佢。李文雄系前警察乐队警员，好钟意唱歌，最劲嘅就系模仿声音，即系你平时睇啲电视扮雀叫引走敌人𠮶种。佘乐成系前爆炸品处理课警长，一睇就知佢系擅长玩炸弹，不过除咗炸弹之外，其他器材都难佢唔到，即系武器大师。呢三个人就咁睇似足间碟，就好似《复仇者联盟》入面嘅黑寡妇同鹰眼咁，卓Sir今次真系识拣人喇！

其实除咗呢7个人，仲有一位神秘人之后会加入，就系之前喺泰国被炸死的5个卓Sir卧底其中一个－速龙（杨潮凯饰）。原来𠮶次爆炸并无炸死佢，佢仲怀疑卓Sir系黑警，所以一直潜行返香港调查，当然最后都解释返晒成件事，亦都加入埋民间刑事情报科。