【后生仔倾吓偈】港大流出Hall鸡传闻　麦明诗未听过：英国无呢啲

无线 J2 综艺节目《后生仔倾吓偈》一连四集的台湾篇播完，今集返回香港主场，而在台湾篇无出现的主持麦明诗（Louisa）就正式归队，已经缺席多集的另一主持冯盈盈则依然无影。最新这集讲大学宿舍生活，其中讲到宿舍严禁异性夜访时，大家即热烈讨论学校应否管束学生与异性相处，Louisa亦不负众望大爆金句表示：“如果学校的男生女生全是处男处女，我觉得会影响学校的声誉。”再次令全场哗然，有人谓不明白当中意思，也有人直言不认同Louisa的说法。

香港01记者就电话访问了Louisa，了解一下她为何会说出这样的一句话，Louisa说：“我觉得同异性相处系个人嘅选择，社会唔应该对呢方面有咩judgement。大学系一个自由嘅地方，系可以畀年青人成长同作出唔同嘅尝试。如果咩都要监管住，咪就好似直升机家长咁，如果缺乏自我成长，接触新事物嘅机会，将来出到社会带嚟嘅冲击会仲大。所以唔可以太过抑制啲学生，应该畀空间同自由佢哋去体验生活，有作出选择嘅权利，唔影响到其他人就无问题。当然我唔系净系指性方面，呢样只系其中一项，我嘅意思系包括各方面。”

而Louisa在节目中又讲起自己在英国住宿舍时因为懒走去洗衫，故会准备定40条内裤，等穿完才储埋一次过拿去洗，对此她说：“我个人比较悭时间，做嘢钟意符合经济效益同效率，40条一齐洗最好，而且同一类嘅衣物一齐洗都会干净啲。”

那么她住宿时仲可以有几懒呢？“我试过成个星期一日三餐都系食cereal加牛奶，临考试前就会咁样，连瞓觉都唔够时间，成个星期先会出去买嘢。”不过几忙都好，她都有打扫宿舍：“一定唔会有蛇虫鼠蚁，我系乱啲啫，但唔系污糟，就算啲衫未洗都会用个袋装好。垃圾都会日日清理。”

另外，节目中来自香港大学的枫就表示听过一个“Hall鸡”传闻，即在宿舍里卖淫，他说：“我喺港大听过个传闻，通常系啲exchange返嚟嘅学生会咁做，佢哋想赚啲外快。我系听朋友讲嘅，佢哋点样营运呢，好似就系摆支荧光笔喺门口，就代表有咁嘅需要，第二日就会有人嚟接触佢。因为曾经有某个hall嘅保安report过，之后又上埋新闻，而𠮶间hall有啲学生都亲证系有咁嘅事，我就确定原来真系咁样嘅。”

不过节目中的其他人似乎就不太相信Hall鸡这个都市传说，Louisa亦坦言未听过：“我唔系喺香港读大学，所以无听闻过呢啲传言，英国𠮶边都无呢啲嘅。”她又直言不认同香港某些大学宿舍的收生制度形同搞小圈子的做法：“咁样就无办法共融，要有唔同想法嘅人走埋一齐，先可以启发到大家，咁先会有进步，同有新思维。”