【后生仔倾吓偈】无家底难有气质?　麦明诗:去外国读哲学通常唔忧

日前播出的一集【后生仔倾下偈】主题是讲校园风头疐，这集依然是少了冯盈盈呢位主持，继续由麦明诗 (Louisa) 和陆浩明两个担大旗，而Louisa亦不负众望大爆金句，成功为该节目制造了话题。究竟家底是否会影响一个人的气质？相信观众看完今集都不禁会有这个疑问。事源是大家正在讨论选校花校草的评审准则，有人提问会否看家底，当大家听到后都表现哗然，觉得怎么会看家底，此时Louisa就发表了她的个人见解和分析，而她口中所讲的背景同环境就即是指家底。

Louisa表示：“坦白讲，你唔会话真系睇家底，但系有时始终人系会被佢嘅成长背景所影响㗎嘛，如果个背景系比较好，他出来又好似系有气质啲。咁当然有啲好有钱嘅都好无气质啦，土豪式呀。但有时屋企无𠮶种环境，又好难有𠮶种气质。例如你谂下如果佢屋企无乜环境，佢唔会出到嚟识讲哲学㗎嘛。我觉得通常去得外国读得历史、古典、哲学𠮶啲，通常屋企都唔忧米嘅，如果系忧米嘅就会读医、经济、商业、会计、律师呢啲赚钱嘅科目。”又好似讲得几啱几有道理㖞，但唔知Louisa呢一番言论，会否令一班被指屋企忧米而选读赚钱科目的学生嬲嬲猪呢？不过Louisa自己都是修读法律，她也不介意标签埋自己，所以大家都唔使咁敏感啦。

为免大家可能会误会了Louisa所讲的意思，《香港01》记者就电话访问了她再讲得详细一些：“我唔系话有家底嘅人先会有气质，我意思系话如果屋企环境好啲，会容易啲培养出一种气质系对非物质嘅追求，例如知识、艺术等。教育其实系奢侈嘅嘢嚟，要有能力嘅家庭环境先可以support得到，要屋企无经济同生活压力，先可以畀你去追求精神上嘅嘢，而唔系只系为咗生活。当然我讲嘅气质唔系话要用钱堆砌出嚟，但如果屋企环境唔好，有经济压力，就好难有空间去畀你追求一啲生活以外嘅嘢。”

那么Louisa又可有认识一些家境唔好却仍然培养出气质的人呢？“我自己同周围认识的人都系属于好彩嘅一群，读女拔萃嘅人个个家庭环境都差唔多。”对于她表示屋企忧米的人就会修读一些赚钱的科目，而她也是修读法律的，家底唔错的她坦言自己其实是忧米的：“呢样系讲心态，我心态上忧，都系一个打工仔，都要顾及生活，需要工作去支持生活。”