【反黑】演“招积”晚晚夜蒲学癫丧　张建声去尽：拍到精神分裂

网剧《反黑》继续热播，不论本港和内地都掀起了一股追剧热潮，而剧中饰演大反派“招积”一角的张建声 (Justin) 更成功弹起，出色的演技备受剧迷激赞。别以为要演奸角只要个样够凶神恶煞就得，招积这个角色绝对不是咁肤浅。有追呢套剧的人都知招积并非一开始就穷凶极恶咁癫丧，由傻傻更更变到丧失了人性，心路历程其实很复杂，内外的剧变加上连场的内心戏，Justin都应付得到，完全演活了招积造个悲剧人物角色，令招积变得有血有肉。

当然，Justin在正式开拍前做了很多功课，下了很多苦功，这是他从影以来上最大挑战的一次，他一边解构招积这个角色一边话你知到底有几难演：“其实招积呢个角色分咗四个唔同嘅层次，一开始系Kai招，第二阶段系魔王，至于第三同第四阶段，我就唔剧透喇，之后𠮶啲先系戏肉。呢个角色系我同中仔 (该剧总导演宋本中) 向Joker致敬嘅，招积到最后就会真正化为Joker现身。因为招积悲惨嘅背景，网民都话嬲佢唔落。我呢啲中阶演员演呢个角色系要做到每场戏都有层次嘅，个角色会成长，观众嘅代入感亦会愈来愈大。好多谢导演畀呢个角色我。”

Justin很早已开始为角色排练，务求令自己快些入戏：“套剧9月零10月先开拍，我7月就已经将啲头发漂咗同染白晒，搞到头皮嘅毛囊伤晒，导演话系我笨啫，无人叫我一早走去漂染。”而`后遗症除了狂甩头发，发线亦有些向上移。“不过对我嚟讲，演戏的确系要由外到内，再由内去返外，呢句说话用喺我身上系真嘅，所以我个外型系招积，我就会变成呢个人，一定要花好长时间入咗戏先，再演绎返出嚟。”演这个角色最难就是要跳拍，即是四个阶段的招积不是逐序拍摄：“仲要系一日跳拍几次，拍到我精神分裂。”

咁拍戏期间太投入角色又有无影响到日常生活？Justin惊爆原本因为太入戏而导致跟前度女朋友分手：“我拍呢套剧之前有个拍咗拖5年嘅女朋友，对我好好嘅，𠮶时自己有意无意间为咗呢套剧，当我贪玩又好，为投入角色又好，定其实只系借口，我群埋啲好丧嘅人，晚晚去啲高级场所玩，感觉舒服，仲玩到唔返屋企，最后同女朋友分手收场。我觉得自己好衰，要个女仔用5年嘅光阴去等我，始终唔系做娱乐圈呢行，好难明白我嘅工作同想法，大家嘅思想会愈走愈远。我依家正处于事业博杀期，都希望努力做好啲成绩先。”

咁拍戏期间太投入角色又有无影响到日常生活？Justin惊爆原本因为太入戏而导致跟前度女朋友分手：“我拍呢套剧之前有个拍咗拖5年嘅女朋友，对我好好嘅，𠮶时自己有意无意间为咗呢套剧，当我贪玩又好，为投入角色又好，定其实只系借口，我群埋啲好丧嘅人，晚晚去啲高级场所玩，感觉舒服，仲玩到唔返屋企，最后同女朋友分手收场。我觉得自己好衰，要个女仔用5年嘅光阴去等我，始终唔系做娱乐圈呢行，好难明白我嘅工作同想法，大家嘅思想会愈走愈远。我依家正处于事业博杀期，都希望努力做好啲成绩先。”

入戏太深的结果亦令Justin抽离不到角色，要去睇精神科医生兼食药：“可能我戏龄浅，我觉得抽离角色最快嘅方法就系即刻接拍下一部。”不过他的下一部戏竟然是喜剧，角色的两极令他感到更困难，几近陷于精神分裂的状态。幸好黄秋生的一席话救了他。

“有日秋生去咗揾中仔倾嘢，中仔即刻打畀我叫我过去，叫秋生大师同我倾两句，中仔同大师讲‘呢条友好渣，走唔返出个角色。’大师就话‘使乜走出嚟，咪将啲角色收喺心度啰，揾其中一个做队长管住佢哋，等佢哋自己成长，到第时要用就拎返出嚟啰。’听完秋生讲我即刻好似开咗窍咁，唔再觉得困扰，连药都唔使食。我依家直情就好似24个比利咁，做戏做到都有啲痴痴地线，其实我觉得好嘅演员唔多唔少都有啲精神病。”

唔知大家又会否好奇现实世界中的Justin同剧中的招积反差大唔大，抑或原来也有相似的地方：“Kai招真系我嚟，系我平时嘅自己，比较纯同埋阳光。我演Kai招系用咗自己细个嘅经历嚟做参考，我以前系屋村仔，都有群过啲黑社会，我系将我当时见到嘅嘢搬返入戏度。至于后来嘅招积，我梗系唔似佢啦，佢痴线㗎㖞，已经唔系一个正常人，完全系痴线佬嚟。你话佢系part of我嘅dark side，咁就一定系，因为无可能系纯演出嚟，我觉得演员自己本身都会有呢啲潜藏嘅黑暗因子。我唔知如果有日有人踩到我嘅底线，话唔定我都会变到好似招积咁丧。”