麦明诗搭的士免找6毫都被司机放上网　十优港姐：一搭就出事

近年有唔少人都会在网上分享搭的士嘅奇遇，往往都离不开拒载呢𠮶原因。今日下午有位的士司机就将今日遇到乘客嘅“趣闻”写在《的士司机资讯网Taxi》内，“1440 接载‘麦X诗’由尖沙咀加拿分道近加拿分广场去佐敦漾日居，全程车资$44.40。你比$100我找番$55.60比你，系你话唔要$0.60散子。特此声明！”事后麦明诗接受《香港01》电话访问时就话好无奈，“我系唔系做错事？ ”

麦明诗透露今日需要到尖沙咀拍剧，因为怕难泊车所以才会搭的士到现场。对于今次被的士司机公审，她在facebook亦话躺着也中枪，“其实呢，用电子收费大家咪唔洗烦啰～#十年唔搭一次的士 #一搭就出事。”问到今次唔收六毫子引起嘅风波，之后搭的士会唔会选择收返呢？佢就话，“只是为了方便大家先唔收六毫子，其实有些的士司机都好好嘅，佢会少收你几毫子收齐头数嘅，我觉得大家就尽量均真啲好，自己都尽量唔会欠咗人地。”另外，麦明诗亦特别提到希望香港可以尽快推行电子收费，“其实而家搭的士仲要找零钱真系有啲唔方便，因为之前我系内地工作搭的士可以用电子银行俾钱系好方便。”

问到早前有不少艺人都会在网上分享自己搭的士嘅奇遇，有时候都会被网友指系网络公审，麦明诗就认为，“有时候都系想讽刺下时弊，系要俾大家讨论下！”相隔1小时，该名的士司机就在《的士司机资讯网Taxi》删除文章，而麦明诗亦在facebook内移除了post。