【嫁到这世界边端】港女嫁去阿布扎比　㓥房都500呎　戥港人悲哀

中东国家喺香港人心目中系神秘嘅国度，好多文化差异同埋规矩可能估都估唔到！喺香港结婚嫁老公可能要父母批准、朋友帮眼，但系喺另一个国度原来问下神就搞掂，神话yes就yes，神say no就good bye。好似盲婚哑嫁？但有另类着数㖞！寻晚《嫁到这世界边端》嘅港女Laila嫁到去阿联酋首都阿布扎比，虽然住㓥房，但系㓥房实用面积都有500呎，包埋水电都只系月租港币8千，Laila带主持陈贝儿参观屋企时就话住得好舒服，而且觉得香港人好悲哀。

今年42岁的Laila移居阿布扎比已经12年，同老公Assad育有10岁女儿Aisha，Laila原本在香港做珠宝设计同销售员，一次阿联酋的公司邀请她搞珠宝展览，就认识了Assad，Assad帮她搞签证、搞手续等发展成情侣，Laila坦言嫁过去之前对阿布扎比甚至杜拜完全陌生，过到去才知道生活同文化有好多大差异，但Laila表示她的家人好放心：“佢哋话终于嫁得出喇，唔使做剩女喇！”

作为伊斯兰教国家当然好多规矩，例如女性的身体只能够畀家人同埋老公欣赏，所以在公众场合一定要包到实同埋戴头巾，结婚前要求阿拉神指引，获得神准许才可以结婚，Laila就系咁嫁咗俾Assad，仲跟老公信奉了伊斯兰教添。陈贝儿则有感而发：“原来有啲嘢系我复杂化咗！如果简单啲、直接啲，会唔会可以好似佢咁，幸福嚟得容易啲、简单啲呢？”不知是否又谂起自己的婚姻呢！

Laila同老公住在㓥房，吓！阿布扎比都有㓥房？Laila就带陈贝儿去参观她的家，Laila话阿布扎比业主是参考中国的㓥房，将间屋分租畀租客，之但系人哋地方咁大，所谓㓥房其实实用面积都有成500呎，有厅有房有厨房有睡房只系月租港币8千，分分钟大过香港啲私人楼，陈贝儿睇见个厕所都大过香港成间㓥房就话：“如果8千几蚊喺香港可能剩系租到你个厕所咋。”Laila都有同感：“作为一个香港人觉得好悲哀！”睇到呢度好多香港人应该好羡慕。