【嫁到这世界边端】陈贝儿每集爆喊：唔系触景伤情　只系touching

过去1个星期晚上播出嘅TVB节目《嫁到这世界边端》，爆点并唔系节目中一班香港女仔嫁去外国有几幸福，焦点几乎放在主持陈贝儿（Janis）被爆出与结婚6年的老公离婚一事，Janis在节目中见到其他人咁 sweet，自己却失婚，难免有点感触， 陈贝儿接受《香港01》电话访问时却表示，“当时喊到猪头并唔系触景伤情，而系触景touching，见到佢地咁开心我都好感动，我嘅眼泪系替人开心嘅眼泪。”她其后透露与前夫关系良好，仲话自己对爱情仍有憧憬，强调“一次唔开心，唔等于一世都唔开心。”

节目播出后，Janis几乎每晚都会同网友在Facebook同Big Big Channel开足3小时live，网友的留言大部分都是为她打气， Janis表示十分感激大家的关心，并透露自己已经恢复得七七八八，“每一晚同网友开live，佢地真系俾咗好多力量同支持我。如果无佢地，我又系一个人系屋企，对住四面墙，同佢地倾偈感觉就好似有人陪住。”咁是否真的寂寞到开足3个钟live？难免令人觉得她放不低离婚一事，Janis就澄清话，“我地好想知道观众嘅意见，其实果个系交流平台，点解讲到咁夜呢？因为节目到11点做完，好多次我都话bye bye大家喇咁，但佢地好踊跃，反正我又未瞓，如果有呢𠮶需要继续倾咪继续交流下咯。”

至于live中Janis播的歌好似每首都不是情歌而是惨情歌，她表示，“唔开心嘅时候都会听失恋惨情歌，歌词字里行间有好多共鸣，我觉得唔需要去逃避，都系抒发心情嘅一个方法。而live入面大部分歌系网友要求点播嘅，佢地想听咩歌就播，如果夜晚想听《红日》咁亢奋我都配合，而我都有自己嘅playlist，大部分系抒情歌。”而昨晚校长谭咏麟都有乱入Live疯狂留言，其后Janis表示，对方知道她离婚一事后都有安慰她。

对于今次节目《嫁到这世界边端》有咁大回响，Janis话自己同节目组都无谂过，提到当时拍摄节目时，节目组是否已经知道她离婚？Janis就话，“我当时接呢𠮶job都无特别同公司公开讲呢件事（离婚），其实我都唔好意思，因为𠮶阵我都处理件事，但拍摄𠮶阵成班工作人员见到个主持突然爆喊都觉得好奇怪。同成个节目组系亲密嘅战友同互相信任，佢地当时知道件事之后夜晚都摸住酒杯底交下心。”但今次在节目临出街前才被爆与丈夫离婚，不少网友都质疑系节目宣传技俩，陈贝儿都有听讲过，“其实要俾人知嘅时候都系盖不住。（但似乎重点放得太多系离婚事件上？）当然我都唔想将私事公开讲，但到被其他人知我都唔想刻意隐瞒同讲大话。”

陈贝儿指当时同丈夫要决定离婚，都觉得好不舍得，“当时要下这个决定大家一齐要行这一步的时候，当然系好唔舍得，觉得好可惜，始终相识系一种缘份，成为夫妻都系好珍贵嘅一件事，但最后都系一齐行唔到落去，要终结系好唔舍得。”至于当时哪个提出离婚，Janis就未有透露，“我地系性格不合而分开。”而她与前夫现在关系良好，“我地系朋友，都有同对方家人联络，始终都相识咁多年，有需要嘅时候都会互相支持。”现时正在与前夫办理离婚手续嘅Janis，在分居这一年亦无特别到外地散心，“因为都要工作，但最感激身边一班好姊妹同姊姊，给了我好多力量。”

当年仅仅拍拖1年就结婚，现在却离婚收场，会否觉得当时太快决定结婚？她说，“我觉得唔系时间问题，系要讲好多方面。”现时与家人同住的Janis透露在分居期间，家人是自己强大的避风港，“妈咪系一个好好嘅聆听者，可以话系陪着我走，佢系我身边已经好足够。”咁现时有无追求者？Janis笑言身边好姊妹仲急过自己，“我系啱啱公开单身status，但好姊妹就话我就快重出江湖，喂我唔系重出江湖，我连只脚都未踏入江湖呀。虽然我知道佢地系想我快啲揾到。”Janis就话好enjoy单身生活，“一个人其实都可以好开心，而家做嘢同埋大家钟意个节目都系另一种快乐。”咁准备好投入新恋情未？她表示采观望态度，“仲适应紧而家单身嘅身份，enjoy下自己嘅生活。”