【公子会】前无线小花陈洁玲爆娱圈贱男　疑似被告话：等我听下先

在上一个星期六，商台节目《公子会》邀请了陈洁玲(Christy)做访问嘉宾，她曾经是无线的小花，可惜因没有机会而离巢，即将上映的电影《私人会所》就是她担当女主角。她在《公子会》上大爆自己在娱乐圈当中见过最“人渣”的男人，立即惹来不少人热烈讨论谁是“渣男”。

节目主持森美当时抛出一个问题，问到陈洁玲在TVB或者工作上遇过最贱的男人是怎样的，Christy就答：“有一个case就系我哋一班女艺人，约莫去到咁上下时间呢，就发现原来佢（某男士）追过你㖞，又追过佢㖞，又追过呢个㖞。（追过好多人？）系喇，佢每一次都会用一个故事，就系佢受过情伤，当自己系一个受伤嘅小白兔。讲到自己其实系好专一呀，好追求爱情，跟住我哋大家拎返出嚟讲就觉得点解个个都一样。（咁你有无受哄？）佢都有approach过我嘅，都系用同一个故事，𠮶一下我都有信佢，因为佢啲招数好劲。佢会识得点令你去同情佢，例如讲啲佢以前嘅经历、童年、屋企嘅惨事咁。但因为𠮶阵坊间已经对佢有负面嘅印象，佢反而会用返呢样嘢，用返佢自己真实嘅版本，姐系系佢自己先系俾人辜负𠮶个，佢会讲佢自己受过一次好重嘅情伤唔敢再去爱人，但遇到你就重新（出发）𠮶啲。好好彩，啲骗徙呃唔到你就会好快去呃第二个。”

这段访谈被商台节录了放上Facebook，立即惹来不少网民竞猜谁是当事人，结果网民意见一致的将矛头指向吴业坤。对于一连串猜测，《香港01》致电坤哥了解事件，他说：“我同佢（陈洁玲）唔熟㗎，就算拍过《爱回家》同《迷》都系好短时间。（佢话𠮶个男人追过佢？）咁紧加唔系我喇，我拎Whatsapp出嚟对质都唔惊，其实不嬲都有好多呢啲新闻，娱乐圈呢几廿年都一直有，基本上超个三个人就一定有事非。𠮶个咩系节目嚟架？等我都听下先，如果真系好大获都要揾佢了解吓。同埋佢话系靓仔，觉得已经与我无关，我有剧拍有歌唱点叫惨搏同情？所以算喇，一笑置之。”坤哥否认，我们去找原诉者Christy究竟谁是“渣男”，不过她笑喊样回复：“唔好问我啊。”再追问是否说出来怕得罪人，她就表示：“唔讲啊，sorry！”看来这件事去到此时相信已经没有再新的证据，各位想知是谁就自己猜测吧！