JW吴业坤合唱港女情歌劲有Feel 坤哥：唔再当兵 !
等左一段时间，坤哥（吴业坤）仲有JW王灏儿终于有新歌啦！一系唔派，一派就派一支合唱歌《原来只因深爱著》。心水清嘅网友一睇就估到系《原来只因深爱著》正正系两位嘅成名作《原来她不够爱我》及《矛盾一生》嘅延续。坤哥想当年进军乐坛，凭著第一首派台作《原来她不够爱我》，成功在乐坛打响名堂，当时风头一时无两。至于讲到JW王灏儿，除了在唱片公司A-music年代时已经有不少名气，之后加盟Sunny Idea首支主打《矛盾一生》，更成为k场必唱歌。两支歌曲在分别在网上热爆程度用点撃数嚟讲都系过千万起跳，今次《原来只因深爱著》分分钟可以为佢地嘅点击率更上一层楼。
《原来只因深爱著》推出第一日已经引嚟一班支持者讨论，而JW及坤哥眼见大家嘅留言亦不忘道出对《原来只因深爱著》嘅感受：
JW：“矛盾一生出咗嚟之后听到好多声音，男有男嘅想法，女有女嘅矛盾。如果仔细睇吓我同坤哥分别唱嘅歌词，你会睇到‘原来他不够爱我’和‘矛盾一生’两边嘅睇法。其实人生中，各有各要面对嘅问题，要面对嘅烦忧，全都只是迟早嘅问题。恋爱路上，偏差的终点未免会糟蹋了很多人，伤了很多心，流了很多泪，但人生就是这样，it's all about timing and meeting the right person whom you love. ”
坤哥：“不再当兵 ,人大了，对感情的投放会改变。 从前这个男生只为了自己的表面快乐满足，为了待在她的身边叨光而奉献了自己的全心全意，并没有想过她究竟希望得到什么，失望不安什么。 这个男生长大了，在经历中重新审视了自己，原来不是她不够爱，而是根本他不懂爱自己。他学懂了抽身，学懂了对自己怜悯，学懂了爱自己。”
《原来只因深爱著》除了系两位成名作《原来她不够爱我》及《矛盾一生》嘅延续，不论原唱者，MV男女主角，到幕后创作班底，都系动用了《原来她不够爱我》及《矛盾一生》嘅班底。真系要讲句，一系唔做，一做就要彻彻底底！今次真系要比个叻叻猪佢哋，睇怕今年最HIT合唱歌都系非佢哋莫属！