【天鸽袭澳门】振灾骚延期举行　小肥：送水送粮清垃圾先最紧要

因为澳门受到天鸽台风风灾，令澳门很多地方停电、停水、停通讯，澳门人小肥（徐智勇）原定在９月１日举办慈善骚，为澳门打气及筹款，但今日他表示将会将计划延后，他说：“暂时唔会搅一场骚啦，除咗惊俾人话抽水之外，更重要系费事做咗啲嘢，系会在人哋伤口洒盐，好心做坏事就唔好，而家唔系钱就可以解决问题，而家连最基本嘅嘢都冇，有钱都未必买到水，粮食，街上面嘅垃圾堆积如山，冇人清理，呢几样先系最重要问题。”

小肥和其他澳门人一样，一片苦心为澳门，但灾情著实比想像中严重，今日有解放军帮手清理现场，但都有解放军人员晕倒，证明是一件艰巨的任务，所以小肥和一众澳门艺人，身体力行开始振灾工作，他说：“虽然振灾骚就迟啲先搅，但今日开始实行一个行动“澳门演艺人义工队”，去澳门各地送水、送物资等，可能其间会做啲直播，但目的系呼吁嚟帮手，会再搅，但等呢个城市稳定返先，其实捐款活动都开始，主要集中系重建学校，因为好多学校都被破坏咗，而且又就嚟开学。”