《宠物》原来系Paco钦点唱　小肥：佢系我第二个老窦

“沦为行过宠物，猫狗了解我的凄惨”想不到小肥2007年的作品《宠物》，事隔10年后出现在TVB节目《流行经典50年》。身为90后的笔者都不禁慨叹，原来这首歌陪伴大家那么久。不少网民听到后，都充满了共鸣，大赞小肥唱功比同期的歌手好，唱得够稳阵；同时都为小肥感到可惜，既然有好唱功，却只红歌不红人。

记者致电过小肥，他对网友反应如此热烈，为此感到开心，“心头都有一点甜”。他表示有听过“红歌不红人”的说法，不过小肥都非常乐观及正面，笑说：“红歌唔红人，都好过连首歌都唔红吖。起码其他人听到呢首歌，唔会讲到口边都唔知边个唱。”《宠物》一曲在2007年爆红，对小肥来说已没有遗憾，还产生了连锁效应：“唔会真系红唔到个人，一定会有牵连性，令到大家认得我，又带到商机，到今时今日揾我唱歌，都要指定唱宠物喇。如果真系唔红个人，系呢个汰弱留强嘅香港乐坛，我都一早畀人淘汰咗，但到而家我都仲有Budget去做新歌，做到自己钟意嘅嘢，我谂都唔系大家谂到咁悲观，加上我自己份人都好正面，而家做音乐过到生活，我都好开心。”如果真的要说遗憾，就只有：“大家都剩系记得《宠物》呢首歌。”

除了《宠物》，小肥还有其他hit歌，例如第一首派台歌《有情有义》、巴打必听的《高登歌》，还有点撃率劲过周杰伦、五月天同名的《时光机》，对小肥来说，他直言：“都唔算只红一首吖。”而10年后的小肥，其实都有一直做歌，不过似乎没有太多人知道：“有时喺街都会有人走过嚟同我讲：‘小肥你首宠物好好听呀！几时再出新歌呀？’但其实我都有出到新歌㗎！”就在6日前，他的youtube才上载了新歌《内外》，他希望：“而家都会做下live，希望个个月都出到歌，如果个like数ok，我已经好开心，好甜㗎喇。”乐观的小肥向来都没有与他人做比较，也不会有不想唱的一天：“我钟意做嘅，就会keep住做，都唔会有一日话唔唱。”

《宠物》的意义重大，小肥就话一定要多谢他的前经理人Paco：“系佢收到只歌之后，一定要畀我唱，真系好多谢佢。”小肥形容Paco，就好似“第二个老窦”：“当初系佢执我返嚟，佢有留意到我，当时我就系澳门，就想签我做歌手。澳门人一向都系安于现状，其实我都唔例外，当时就有问过其他人，咁样系咪真系好？朋友嘅反应都系话：‘梗系好喇！又唔系签好耐！’之后就好喇，就签咗5年。”小肥与Paco友好的程度，有外界就传因为小肥的命格旺Paco，所以不论如何，Paco都会一手提携他。小肥笑说：“有啲咁嘅事？我唔知㖞！不过佢咁支持，一手带我系真嘅。之前有几次续约，大家都唔会再讲啲咩，都系直接签，一切都系讲个信字。我同Paco嘅感情，一直都会记得，之前金牌有啲人事变动，我都有同佢食饭，再到我走，佢都有揾我。到而家唔能够再跟Paco，系唔舍得，但大家有更好嘅方向，大家都开心。”

小肥除了唱歌，还与几位朋友开了制作公司“棋人娱乐制作(澳门)”，持续有生意，所以小肥的生活不错：“一嚟唱歌，都仲系做紧我钟意嘅嘢；二来开公司，系澳门有生意。”他还讲笑：“而家都算垄断咗成个澳门市场㗎！哈哈”这样说来，小肥算是半个老板，对他来说：“都好ok㗎喇。”