【超时空男臣】70岁姜大卫老马好专业 　唔怕刀生锈：冇咁利啫

“最锋利嘅刀都有生锈的一日”这句是姜大卫John哥经典广告对白，不过刚过70岁生日的John哥依然老马有火，日前(9日)出席《超时空男臣》户外宣传，天气30几度，传媒与围观市民大汗叠细汗，John哥和一众后辈演员在尖沙咀烈日下干煎，不用工作人员担遮挡太阳，活动后更即赶回将军澳电视城拍新剧《逆缘》，魄力和当扎小生一样，年纪对John哥来说只是数字，John哥接受《香港01》访问，表示永不言退，他说：“讲真，刀真系有生锈嘅一日，但冇咁利啫，唔等于要退休。”65岁是香港的退休年龄，问到John哥几时退休，他说：“做到死𠮶日，我死𠮶日就系我退休嘅时候，我仲好enjoy演戏，未谂过要退休，但我而家拣戏拍，啱我、又夹到嘅我一定拍，我亦劝所有人唔好退休，尤其你做紧自己喜欢嘅职业，做人唔可以退休，65岁又好，好似我70岁都好，唔好退，就算退，都系半退休，做下义工都好。乜都好，一定要有个寄托。”

John哥在《超时空男臣》饰演凤鸣居老板，三女之父，现实中John哥在家庭中身兼丈夫、爸爸，曹永廉外父三职，他说：“我平时个人就唔系剧入面咁搅笑嘅，教仔女又好，教孙又好，有少少严肃，但带住个爱嘅，始终同角色有啲唔同，我好少做搅笑嘅角色，就算《公公出宫》都有啲唔同，我仲系学习紧。”

后生的观众对John哥的认识是TVB的剧集，但其实年轻时候的姜大卫，样子有点像现在的周杰伦，是邵氏电影著名武打影星，拍过不少卖座的电影《新独臂刀》《游侠儿》等，当红程度，和现在的古天乐，刘青云甚至刘德华差不多，1970年姜大卫凭电影《报仇》获得亚洲影展（亚太影展前身）影帝，那时他27岁。

年轻时是电影界一线当红小生，到现在为无线拍剧，焦点未必那么令人集中，但John哥一早已看透，他说：“由我第一日做电影男主角，我就知呢个道理，没可能做到70岁都系男一㗎？但我算系好好彩，唔好话男一，而家仲有机会做男二，男三、我自己嘅前辈，由男一做到冇得做，但我今日仲有得做，仲想点？呢个心态我一早就准备好，以前系戏院先睇到，而家手机就得，6、7岁嘅小朋友都仲有机会睇返我嘅旧戏，我系好好彩。”

因为那个广告，后生仔多用独臂刀形容John哥，他饰演的独臂刀，只得一只左手亦战至最后，到今日John哥仍然有这种侠客性格，即使年纪大，亦不会要求组厚待，在无线拍剧年纪较大的，可能会要求通告之间有10个小时休息，但他没有，他说：“我冇提出过，而家啲剧几条线去，其实冇咁辛苦，拍剧就个个都辛苦㗎啦，就得边个？佢哋亦已经好钖我，就算而家有啲动作戏，打戏，如果我做到嘅，我一定自己上阵。”《超》剧宣传当日一众演员在尖沙咀向市民派雪糕，人多挤迫，John哥不慎跌倒，双手手踭著地“爆晒缸”，工作人员大为紧张，但他处之泰然，记者要求拍照，他带点不好意思，初时要求John哥做访问，他误以为要为受伤一事回应，他说：“擦损少少，唔驶问呀？”因为独臂刀，手臂有少少血系正常嘅……