新光戏院｜李居明公布将开放冰封廿年猛鬼化妆间：冇胆嘅唔好入

李居明今晚（1/2）率领一众粤剧演员龙贯天、陈咏仪、陈鸿进、新剑郎、邓美玲现身北角新光戏院出席“粤剧特郎普”开锣拜神及醒狮点晴仪式。李居明受访时公布将于2月22日开放《新光戏院》给公众参观：“我哋除咗开放大堂畀大家之余，亦开放《新光戏院》最神秘而且又多层嘅化妆间畀大家入去睇，呢间化妆间从来冇人够胆入去用嘅，而够胆嘅观众可以入去参观。相信呢个亦系香港嘅大新闻，因为一个不可思议嘅化妆间竟然开放畀大家睇，当到咗3月3日之后就会拆。我奉劝冇胆嘅人就唔好入去。（发生过咩灵异事件？）唔讲得嘅，你哋估啦。（怕唔怕有人会被吓亲？）你自己谂啦，一个普通嘅化妆间，可以吓亲都系自己吓自己啫。暂时开放住呢个先，有啲更劲嘅就唔开放住。（化妆间冰封咗几多年？）十几二十年，而我系有入过去，但如果先知里面系点，你哋可以问返赖慰玲，因为我带过佢入过去睇过。”

李居明指出《粤剧特朗普》当中有一个很深的哲理，就是“放下来吧”，让香港人明白很多事情都要学识放下来，将所有烦脑与不开心的事一一放下来：“其实呢套戏成个主题系呢4个字‘放下来吧’，而我都好荣幸可唔同咁多位老官合作，而陈鸿进先生佢首先会扮演尼克逊，跟住亦会扮金正恩，然后又扮贺锦丽。（扮金正恩怕唔怕有生命危险？）生命危险首先我系有先嘅，因为我有写毛泽东，而且又有写邓小平。但喺我哋写近代史粤剧入面，我哋系本住推动香港中国近代史嘅文化，我大家认识多啲，咁所以我哋从来冇考虑过危险嘅，而喺写嘅过程之中，都今日为止，我从来都冇听过，有人叫我唔好写，或者有危险。”