张敬轩大赞韩星圭贤粉丝守规矩 称已放弃教育粉丝：文化背景唔同

张敬轩（轩公）今日（31/1）年初三现身沙田马场出席农历新年赛马日。提到早前为韩国男团Super Junior（SJ）成员圭贤在香港开骚担任演唱嘉宾，并获对方改韩文名“张彬”，轩公接受《香港01》受访时表示非常受落：“其实我阿爷以前帮我起名嘅时候，曾经系想用双木林呢个名，咁我哋系北方人，细个嘅时候乳名叫小宁，屋企人觉得叫小比较可爱啲，但到我长大咗之后，我就觉得大就会威啲，变咗𠮶日圭贤帮我起名叫张彬嘅时候，太过情急之下我就不如叫自己做张大彬。”

此外，轩公亦大赞韩国团队在开骚前的各项准备都做得非常出色，值得大家去学习：“我系好羡慕韩国嘅艺人开骚嘅观众嘅气氛，佢哋好似训练过咁，佢哋唔止个工业，而系成个追星文化，就好似今次圭贤呢个骚咁，喺入场之前我见到粉丝有个Po，系会提我哋啲歌迷除咗攞圭贤𠮶支手灯之外，其他手灯都𠮶好带入去演唱会，咁样我都觉得系好有礼貌，同埋应该尊重返人哋。同埋佢哋啲粉丝系乖，圭贤行晒全个场，系完全唔使保安护住，我系觉得好好。香港唔系唔好，热情有热情好，但对我哋歌手嚟讲，如果个场地系安全，我哋系可以留得耐啲。（会唔会仿效佢哋教育吓啲歌迷？）其实我已经放弃咗，因为每个人嘅文化背景都好唔同，有啲人系钟意静嘅，变咗我会谂以后我嘅演唱会，系咪划分一啲I人专用，又或者E人专用嘅区域，呢个值得深思。”