专访｜黄庭锋家人反对都坚决追梦 曾谂过：点解唔留喺𠮶边呢
黄庭锋2016加入TVB成为旗下艺人，之后一直都得到不少的演出机会，除了主持外，亦参演过不少的剧集。今年新年，他首次担任男主角的剧集《富贵千团》（前名《OPM》）正式播出，黄庭锋接受《香港01》专访分享拍剧的点滴。
剧集《富贵千团》中黄庭锋首次担正做男主角，但现在要去做男配角的角色，黄庭锋又会否觉得气馁为什么自己已经是男一，但又要回去做男二？
黄庭锋直指自己没有这个心态，因为剧集中男一只有一个，亦没可能每一套剧集都是由自己来做男一，他反而著重的是“有咩发挥”。黄庭锋觉得一部剧集令他focus的是：“究竟我会做啲咩角色？个角色好唔好玩呢？有啲咩发挥呢？发挥几多呢我会谂好多呢啲，咁所以我好想试好多唔同嘅角色，可以做唔同嘅职业，试一啲我从来都冇试过嘅嘢，我觉得咁就最好。”
当被问到什么职业最想尝试演绎时，他笑指很多人都想看他演消防员，不少网民都大赞他穿起消防员服饰很帅。但黄庭锋自己其实最想的就是拍武打戏：“其实我好想拍一啲动作嘅剧，要打嘅，多打嘅，可以show到一啲身手。”原来他很想拍这些武打戏是因为自己很好动，而且觉得在剧中有武打情节会很刺激。
拍剧都有一段时间，黄庭锋被问到当中哪一个角色最喜欢
黄庭锋表示最大发挥是《富贵千团》中的曹家声：“一开始佢系一个小人物，咁之后佢经历咗唔同嘅嘢，去到最后佢可能会系疯狂或者系有好多，即系可能变咗一个总裁。”而《富贵千团》中他一开始是一个大学研究生，整天躲起来做研究，但最后发现钱对于他来说是另一个世界，于是就变了另一个人：“好钟意有唔同有转变，暂时我谂发挥最大呢个。”
另一个黄庭锋挺喜欢的角色就是《巨塔》中的医生角色，因为他从未演过医生：“其实我都未演过一个医生嘅角色，所以我觉得，平时成日睇佢地好有型。”至于他会否抗拒演一些奸角，他表示唔抗拒，但就希望演一些亦正亦邪的角色：“即系唔会斋奸，斋好有少少flag咗，可能佢两样都有𠮶啲我觉得会几好演。因为其实我觉得一个角色，佢够立体无可能全部都系正，都无可能全部邪，可能佢会有一啲有啲感情位，会令到佢觉得其实我唔需要变到咁差，即系我觉得中间一定要有一啲正与邪嘅挣扎。”
黄庭锋被问到会否抗拒做渣男角色时，他就大笑表示可以，但就要先知道角色的起承转合“个角色要立体有转变就会fit”。他觉得作为一个全面演员，需要什么角色都去试一下，不能单一地演一种角色，应该多方位尝试，吸收不同的经验：“所以你话如果有一个好坏嘅角色，我觉得会几好玩，Can try！”
已经拍了一段时间剧集的黄庭锋又有否尝试被同剧演员冷待或嫌弃？
“如果你冇做好你自己𠮶部份，而你NG嘅话呢其实大家系知嘅，咁但系如果你话我已经好努力去记，譬如可能大家演嘅时候排嘅时候都唔系玩，系好认真嘅时候呢，大家系会体谅。”他更指其实公司的前辈都很随和：“因为我哋公司啲前辈都好好，都好肯lead住啲新嘅artist。”所以他非常放心。
有没有哪一面未被人发现到但又最想让人见到
黄庭锋二话不说就表示是演员方面，他主演的剧集《富贵千团》近日终于在TVB播出，他希望大家可以见到他在演戏上的弹性：“希望大家可以睇到自己演戏角色上面𠮶个嘅弹性，所谓弹性就系，唔系净喺一方面嘅角色，可以喺一个角色里面有好多唔同嘅表达表现，我会希望可以真系睇到呢样嘢。”
入行前曾有机会做职业球员，但最后放弃了而从事演艺行业
黄庭锋成为艺人之前曾于英国及日本留学，他读高中时曾是学校足球队唯一亚洲球员，司职前锋的他在阿根廷、智利校际赛中获得“最有价值球员奖”。黄庭锋更曾有机会前往阿士东维拉及狼队青年军当职业足球员，但他后来放弃了成为职业球员，最后成为艺员。
黄庭锋透露入行初期都有带著“后悔”的感觉：“啱啱入行𠮶阵时可能未系好习惯呢一行，我可能会有少少觉得点解唔留喺𠮶边呢。”但入行已经8年的他，已经习惯了当一名演员，已经没有后悔不去当职业足球员。他亦透露早前加入了“明星足球队”，可以一尝当足球员的感觉：“讲真我喺预组嘅时候我都冇试过有咁多球迷喺度睇我哋比赛，我记得我第一次跟明星足球队去比赛嘅时候系讲紧两万几球迷。”除此之外，他们入场时都会有一位小朋友拖著进场，现在他都可以实现：“啲球员可能拖住一个小朋友，一齐行出嚟𠮶种感觉咁样，我依家系做紧咁样嘢，咁我觉得有少少好似完咗我以前𠮶个梦。”
当时他选择放弃职业足球员而加入娱乐圈，家人有否反对？
黄庭锋指当年入行时，反对得最厉害的是他妈妈：“我妈其实一开始佢唔系好想我入行，佢可能想我可能稳阵啲，通常啲传统嘅父母都系咁谂。”但后来家人已经由反对到默默支持，最后更会出席他的活动，用实际行动来支持黄庭锋。被问到妈妈因什么事而转为支持时，黄庭锋笑指：“佢哋唔支持都辛苦啦，即系佢冇理由长期唔钟意我喺呢一行而佢令到佢哋唔开心，即系佢哋都转变咗个心态，我觉得佢哋系觉得放轻一件事，之后佢哋见到我其实系开心我享受，而唔系话我唔钟意，其实可能唔钟意嘅话，佢哋会咁你咪离开。”
当初家人反对入行，是否与“钱”有关
黄庭锋被问到家人的反对是否怕他当艺人会“揾唔到食”时，他觉得应该有关，因为他入行前于国际学校当教师：“譬如我之前教国际学校，可能系好稳定，系佢哋眼中𠮶个收入都唔错，所有嘢都好稳定嘅时候。佢哋就会开始比较，我慢慢就同佢哋讲，其实冇得比较，两样嘢完全系唔同。”
入行为追梦唔睇钱
黄庭锋当初不顾家人反对坚决入行做艺人，其实是为了追梦：“即系好多时候喺呢一行嘅人，其实佢哋系为咗‘追梦’。如果我真系净系睇钱嘅话，咁可能我已经唔系呢行。”黄庭锋入行多年，幸好家人从来都没有给予经济压力：“从来都冇，真系从来都冇！”他透露其实妈妈是第一个知道他的收入，亦会协助他管理：“因为佢知道我做咗呢个event，拍咗呢个节目啊，佢好快已经知道，佢一睇：‘喂点解，仲未出嘅呢个？’佢最清楚，所以佢会睇晒，佢会好知道我𠮶个上上落落啊，金额几多钱啊，所以佢都冇讲任何嘢。”
虽然黄妈妈对于黄庭锋的收入了如指掌，但她只有查看的权：“佢唔会管到嘅，但系佢会睇到张单先，佢系第一个攞到嘅手嘅人。”黄妈妈更会帮他仔细地记录工作及出粮：“我谂佢好奇心好大！”