富贵千团｜黄庭锋首当男一　第一日第一场就要拍呢场：好有挑战性

贺岁剧《富贵千团》将于星期一开播，剧集由黄庭锋、汤洛雯、蒋志光等人主演，为一套充满笑料，关于骗案的TVB剧集。男主角黄庭锋今日（26/01）出席宣传活动，他接受《香港01》访问时，坦言为剧集终于播出而感到开心。

他说：“套剧都三年，我记得知道终于要播嘅时候，我喺深圳拍紧《正义女神》。其实套剧之前喺myTVSUPER GOLD播过，我知马来西亚有，未必全部香港人都睇过，但系我知睇过嘅人都赞情节有趣。”

黄庭锋首次出演男主角有什么感受？他回答：“第一次做男主角心情，三年前我做男主角嘅时候非常之新，其实而家都系一个新演员，但系𠮶时好紧张。剧入面嘅人都冇合作过，但系发觉原来剧入面呢班人都傻傻哋，佢哋呢种气氛好快已经令我融入咗。我记得拍嘅第一日第一场就要喺门口爆喊，所以我觉得好有挑战性，同埋每一场都要好连贯，知道晒成个故事。”他直言未觉得自己上位：“顺其自然啦，平常心。”又表示，如果观众满意他的表现，就替他“集气”。