“Gay界男神”林耀声被男人搞会：唔好再搞喇！
撰文： 何志衡
出版：更新：
电影《起底组》今日举行开镜拜神，话明起底组就梗系有网络宅男，而林耀声就饰演呢位网络宅男，原来佢平时都钟意上讨论区。林耀声话：“有啲吸引嘅主题我都会㩒入去睇下，尤其喺facebook疯传𠮶啲都会睇下。”佢女友张沛乐（沙律）经常有靓相出现喺讨论区，林耀声都会𥄫实：“佢（沙律）都会send俾我睇，几好吖，有人讲好过冇人讲。”
戏中林耀声同邓月平(Larine)有较多对手戏，不过阿声嘅角色怕丑又内敛，好切合佢本身性格：“戏入面游学修对Larine有意思，所以我就冇啰！”问佢喜欢Larine定女友沙律多啲，佢就好大声咁答：“梗系沙律啦！你咁问我！”
日前旅游达人项明生涉嫌非礼男见工者被带署调查，身为“gay界男神”嘅林耀声就话如果被男士毛手毛脚会拒绝：“大嗌唔好啰！会缩开同埋同佢讲：唔好再搞喇，再搞报警喇！”被摸边度会嬲呢？“睇心情啦！心情唔好摸下手仔摸下指甲都嬲呀！心情好其实都唔好嘅，睇佢有冇侵略性，如果有侵略性就叫佢停。”男定女都好，要识保护自己吖嘛！