方力申自爆同前度旅行似偷情 邓丽欣：几难形容关系
撰文： 何志衡
出版：更新：
邓丽欣（Stephy)、陈凯琳、邓月平、林耀声及游学修参与网络作家薛可正执导嘅新戏《起底组》，邓丽欣同陈凯琳喺戏中饰演两姊妹，邓丽欣笑言第一次见陈凯琳就觉得自己需要减肥，否则自己睇落会好大份。
邓丽欣今次再唔系饰演谈情说爱嘅小女人，喺戏入面会扮演警察，调查一宗解款车失窃案，仲好可能系奸角添，不过剧情就唔方便透露咁多住。
而早前方力申喺ViuTV节目自爆同Stephy去旅游似偷情，Stephy回应话：“好似啫，吓死我！我冇睇（个节目）所以冇乜感觉；我哋而家系朋友啰！几难形容。”然后话而家只想专注工作。
而陈凯琳系第一次拍电影，觉得跟拍电视剧好唔同：“我演一个拜金女，同以前角色好唔同。第一次拍戏好紧张，我哋有围读剧本都知大约系点嘅！”