七仙羽师傅PK汤博士 指对方小气欠风度：唔使喺背后话我泼妇㗎

七仙羽师傅今日（3/1）现身荔枝角出席HOY TV《开云秘笈2024》节目录影。对于早前与“大好友”纪惠集团行政总裁汤文亮（汤博士）大战，点评今年投资市场表现成地花生，事后汤博士在网上撰文表示：“今早去到茶餐厅，有客人话睇到YouTube，问我点解咁失策，唔知道好佬怕烂佬，烂佬怕泼妇，点解同个泼妇一齐做节目，被佢chur到唔得甩身。”

七师傅接受《香港01》访问时表示：“其实汤博士肥嘟嘟几可爱，好似去海洋公园见到熊猫嘅时候，就谂起汤博士嘅可爱。同埋𠮶日汤博士对我有不满，当面可以质问我，但唔使喺背后话我泼妇㗎，同埋佢讲咗一句说话烂佬怕泼妇。咁我就系度谂，佢咪就系闹紧自己，后尾我心谂就算啦。其实𠮶日同佢PK，我系有扯住佢件衫领话佢系骗子，当时个场面就好似捉奸嘅一样，同埋有好多精彩嘅画面都冇出到街，可能记者惊汤博士老婆唔开心，因为个画面就好似捉奸一样。（之前有冇因为听过佢讲，跟住投资有损失？）冇听过佢，因为我自己识得分析，我系靠自己，唔需要靠别人，我知楼市会跌，但佢就话楼市会升，佢仲唔系呃我咩，咁所以我先捉住佢衫领话佢系骗子，可能佢惊俾佢老婆见到，刺激到佢老婆，怕佢老婆以为我同佢有嘢，变咗后尾记者都剪走晒。”