彭翔翎揸的士遇“西客”由上车闹到落车：20几分钟不停用粗口闹我
撰文： 吴子生
出版：更新：
彭翔翎（Janice）今日（23/12）现身荃湾出席无线热播剧集《异空感应》宣传造势活动。提到无剧拍兼职揸的士揾食，帮补生计，彭翔翎接受《香港01》访问时直言：“其实呢份工唔易做。试过有次有个客人，透过Call车平台要车，当我接到张单之后，我就跟住个app嘅指示路线去接个客，点知我手机显示嘅地方，同个客人嘅位置有偏差，搞到佢揾唔到我，我又见唔到佢，搞咗十几分钟，最终透过电话揾到𠮶个男乘客。”
彭翔翎续说：“当佢见到我部车到嘅时候，佢一开门就好大声咁闹我，然后上车又好大力咁闩门，然之后夹集英语、韩语、广东话好大声咁用粗口闹我，由半山落去中环，车程20几分钟不停系咁俾佢闹，我唯有不停咁同佢道歉讲唔好意思，但佢都冇理我，一直闹到落车。呢件事系我揸的士被人闹得最劲一次。”