误判｜黄百鸣花两个月氹掂甄子丹演出 “初初佢对自己冇信心”
撰文： 吴子生
出版：更新：
黄百鸣和许冠文（Michael），今日（21/12）现身尖沙咀出席电影《误判》谢票场。甄子丹早前接受《香港01》访问，表示起初是婉拒这部戏，除了不是自己擅长的题材，也怕当时《毒舌大状》大受欢迎，会被指抄和跟风。今日，黄百鸣接受传媒访问时，就重提开拍前要说服甄子丹的过程。
黄百鸣表示：“本来好多人以为我揾甄子丹拍《叶问5》，连媒体都报道过，但我就谂之前拍嘅《叶问》都咁收得，如果再拍《叶问5》又咁收得，我就觉得唔系一件惊奇嘅事，反而我觉得喺呢个时候，拍一啲观众未睇过甄子丹做嘅戏，咁所以我就大胆啲拣咗呢个题材，等佢演一个佢仲未演过嘅检察官。至于我揾Michael哥拍呢套戏，靠一杯咖啡就搞掂，Michael哥就应承，相反我揾甄子丹就要氹咗两个月，因为初初佢对自己要做呢个角色系冇信心。”
Michael接著说：“百鸣佢打俾我话甄子丹有套新戏想同我玩吓，𠮶下我就开心死，因为点解呢，我系好钟意《叶问》嘅，而且自己一世未错演过打嘅戏，心谂佢哋梗系开《叶问5》啦，甄子丹做打嘅，我就做一位奸角同佢打，心谂呢铺系啦，就即刻应承，仲叫百鸣唔使同我讲剧情，但原来唔系，只系做法官就咁坐喺度，我就问甄子丹可唔可以俾场我打吓咁，但甄子丹好锡住我，同我讲咁样分分钟会伤，老人家一伤就系咁先。讲真我就唔怕伤，希望下一次有打嘅角色俾我做。”