伍富桥卷入背妻偷食风波险一身蚁：的确系有影响大家嘅心情

“亿万驸马”伍富桥今日（7/11）现身北角出席《毅行40坚并肩》记者会。对于早前为庆祝富家千金爱妻梁兆楹（Shirley）30岁生日，飞到到马尔代夫度假，享受2人世界期间，却收到“贺礼”，被爆出偷食风波，事件引起网上热议。

伍富桥就事件接受《香港01》访问时表示：“其实本身一开头收到𠮶个讯息，都冇影响到我哋太多，因为太太都好相信我，加上我真系冇做过，大家以为件事完咗。点知到我太太正日生日嘅时候，就收到记者朋友揾回应，先知件事发酵得咁大，到𠮶阵时大家先知道件事嘅严重性，当时的确系有影响大家嘅心情，但就冇影响到感情。（太太一直都好信任你！）佢绝对信任我，因为我唔系时间管理大师，基本上每日我都同佢一齐，变咗有乜可能会出轨呢。”

对于经常被网民嘲“女尊男卑”。伍富桥大方表示：“其实一段关系一个家庭，已经结咗婚，而且又系两公婆，我觉得冇分，已经系各施其职，冇话女尊男卑，咁所以我系唔会介意人哋点样讲，我就得呢个决定结得婚，我绝对唔会介意。因为我嘅生活系我同太太过，讲真我系唔需要同大家交代，碍于我系公众人物变咗有人会关注，但私人生活依然系我私人生活嘅一部分，咁所以我开心嘅时候，我就会同大家分享。”