陈百祥回应“分家”不和传闻句句有骨落地　竟然称呼阿麟做谭生

陈百祥今晚（4/11）现身尖沙咀出席《2024EYT好友会联欢晚宴》。对于有指他自从上次“踢人事件”后与队友闹不和，随后再没有现身香港明星足球队，相反更高调与王晶自组另一支球队“精装足球队”疑似分家。

陈百祥接受《香港01》访问时就事件回应：“佢哋练波一星期只系练一日，我就一星期踢四日，大家都唔同，而我香港就有四队波，咁我旧时系踢职业，大佬佢哋唔系，你唔可以要求佢哋38年后跟我一样，个个都大咗年纪，你叫阿谭生踢90分钟，咁无可能，你睇我同佢身形就已经知两回事。”

对于被传不和，阿叻否认：“冇不和。佢哋系踢啲容易啲嘅足球，我钟意踢啲有竞争性。（佢哋系老鬼波！）唔好咁讲，个个都系老鬼，咁有人会退化，有人冇退化。（你冇退化？）我冇退化过。精工有一球都系我入，我系职业㗎大佬，我唔系玩，佢哋系玩㗎。（即系大家级数唔同啦！）唔咁又唔系级数唔啱，我只系揾啲级数同佢哋唔同，我只系揾班后生咁解啫。其实我想踢认真啲，先至整多队啫。（就系你过分认真先踢人死脚！）踢波唔认真，咁你去打羽毛球，又或者打乒乓波啰。”