李家鼎系救命恩人 黄淑仪眉心中剑受伤：佢即刻抱起我上车
撰文： 林迅景
出版：更新：
近期说起最受家庭主妇欢迎的节目，一定系李家鼎的《阿爷厨房》及黄淑仪的《吾淑吾食》。而一年一度的书展中，这两位大师级主持更顺势出版饮食书，当中李家鼎（鼎爷）更是首次出书。他更表示今次出书的念头是黄淑仪提出。
书展的签书会场内，淑仪姐接受《香港01》访问时说到他与李家鼎（鼎爷）的渊源时，原来李家鼎是她的大恩人：“可以咁讲，系我恩人嚟㗎，佢救咗我3次。𠮶时拍《书剑恩仇录》佢系我师父，教我哋打武功同埋骑马。第一次就系我拍戏时坠马，佢救返我（拍摄时黄淑仪骑的马因受惊吓而飞奔了几个山头，黄淑仪中途跳马，而李家鼎骑马追上去把马匹追回及救回黄淑仪）第二次就系我受咗伤， 把剑插左落我眉心度，佢就即刻抱起我上车，陪我去医院。第三次就系我离婚好徬徨𠮶时，佢𠮶时同我讲：‘你有任何需要，可以来揾我，可以搬来我𠮶度住’。”
鼎爷接受《香港01》时说：“都唔系话咩嘅，在场见到嘅时候就一定要帮。我同佢感情好好，好似两兄妹咁。𠮶时见到佢冇地方落脚，所以咪话叫佢过嚟一齐住。佢同我前妻感情又好好。”虽然如此，但鼎爷事后也没有要求甚么报告答。淑仪姐说：“我觉得佢好有义气，好有江湖仔女嘅气概。”
而鼎爷最近也将有私房菜的开张，问到淑仪姐会否去捧场时，她开心的说：“佢话会请我去食嘢㗎。（唔好食点先？）吓，我会讲㗎，我都对佢有信心嘅。”而问到鼎爷会否与淑仪姐一起“煮返几味”，他回答说：“呢样野又未知，不过就一定会请佢食返餐。”