食饭“清碟”都要畀人笑寒酸？　鼎爷怒爆：我一粒饭都唔会剩！

撰文： 陈浩贤
出版：更新：

新一代虽然有不少人是“月光族”，每个月出粮使凸咁滞，但无论如何呻穷，肯定未尝过挨肚饿的日子，对食物亦往往不懂珍惜。近日有网民Po文，指他跟几位同事食饭，其中一位同事将自己碟饭食清晒，相当有衣食，但竟然给其他同事耻笑，而这位巴打虽然看不过眼，但由于自己都是新仔，只能敢怒不敢言。

鼎爷听到有衣食网民被笑，即时扯火，皆因他也是不会食剩饭𩠌的人。（资料图片）

该位巴打表示刚调到去新部门，跟几位同事食饭时，竟然因为食得太干净而被一位年资高少少的前辈笑，“哗，你好肚饿呀，食得咁干净嘅，使唔使奶埋啲油？等阿姐唔使洗碗。”该位巴打表示当时亦有其他人和应，而他认为只有暴发户才会叫到满台𩠌菜，吃不完用来攞威，认为这样才够face，楼主最后忍不住说：“咁做有乜问题？”不但不屑笑人食饭食得干净的前辈，更认为虽然同是90后，但对方的价值观早已扭曲。

有衣食同事被笑全文：

煮得一手顶级传统粤菜的李家鼎，凭住精湛刀功及厨艺，主持《阿爷厨房》叫好叫座，现时不但再度添食拍第二辑，而且他亦开设私房菜馆，将美食公诸同好，他知悉该名有衣食同事被嘲笑一事，即时火都嚟埋，“如果我喺度，我实会X𠮶班人，我次次食饭全公司都知，一粒饭都唔会剩嘅，要有衣食。”(但若然遇上客人食剩自己的心血菜式？)如果佢食剩咗，咪叫佢打包啰。(若然有啲土豪客，点菜用来摆款呢？) 其实冇得计较嘅，如果下下咁谂，真系自己辛苦，人在做，天在看，你攞啲钱嚟嘥，我吹你唔胀。呢样嘢冇得话人，一系你带走，唔带走咪益啲伙记啰。”

鼎爷主持《阿爷厨房》叫好叫座，不但开拍第二辑，而鼎爷更开设私房菜馆，公诸同好。（网上图片）
何远东笑言不止食晒自己个份，连人哋𠮶份都会食埋。（Instagram图片）

无线艺人何远东，一睇外形都知“有食力”，心广体胖，属于胖得可爱的艺员，他接受《香港01》访问，知悉事件后表示，“我觉得有衣食系啱嘅，食晒啲嘢系好事，美德嚟嘅，唔好做大嘥鬼。”众所周知，东东除了演戏，最喜欢的就是各式美食，若然跟人同台吃饭，又有否试过被指“大食”呢？“好彩啫，我真系冇试过，点止食晒自己啲嘢，食埋人哋啲嘢添呀。”

细细粒直播食4、5人份量的日本菜，而且完全清空，相当有衣食。（Instagram图片）

至于细细粒陈嘉佳，对美食更是毫无抵抗力，近日就直播食4、5分量的日本菜，而且食到干干净争，她知悉有衣食都要被笑事件后表示：“我觉得冇问题架㖞，咁梗系要食晒啦，农夫种米好辛苦架，咁有时为食嘅，想食多啲嘢，食唔晒咪打包啰，既然食得晒，当然最好啦，有乜问题呀，仲乜要咁样话人呀，哼！”连笑口常开的细细粒，都觉得不应该笑那位有衣食的网民，叫到满台𩠌摆款攞威的文化，新一代真的不要学呀！