钟采羲拍微短片讲人狗情 忆起自家毛孩离世感痛心：对我打击好大
撰文： 吴子生
出版：更新：
钟采羲（Iris）今日（21/8）现身上环为微短片拍摄。Iris受访时透露今次短片故事内容，主要讲述人与宠物之间的感情，犹如亲人般关系：“今次我演呢个角色，令我谂起之前养咗十几年死咗嘅狗狗，我由细养到佢大，佢真系好似一位小朋友咁，好有人性。佢因为年纪大身体开始衰退，再加上有次家中姐姐俾咗啲唔应该嘅嘢食佢，令佢食物中毒身亡，我哋全家人都好伤心。之后我妈妈就炒咗𠮶个姐姐。狗狗嘅离世，对我打击好大，我系用咗好耐时间先可以走返出嚟，其实过程都系唔开心又痛苦。之后我都唔敢再养宠物，好怕要再次面对呢种伤痛。”