香港式离婚｜黄子华刘嘉玲破天荒首度合作舞台剧：系神一手促成
撰文： 吴子生
出版：更新：
黄子华和刘嘉玲今日（20/8）现身中环出席舞台剧《香港式离婚》记者招待会。对于二人破天荒首度合作，在舞台剧大斗戏法，道尽婚姻的脆弱与爱情的吊诡故事。子华接受《香港01》访问时不忘发挥幽默本领：“其实今次能够揾到嘉玲，都系神一手促成。而呢个舞台剧本身我哋一路都系想揾返舞台剧嘅演员去做，喺我哋落实咗连𠮶餐饭嘅最后一啖茶都要饮埋之际，突然之间我听到一把声讲嘉玲，之前我系完全冇谂过系佢。讲返转头，如果我饮𠮶杯茶嘅时候，如果𠮶啖茶有只蚂蚁，搞到我失咗神呢，我谂嘉玲一定唔喺呢度。”
旁边嘉玲被引到捧腹大笑：“其实当时佢哋揾我演呢个舞台剧，我系考虑咗好耐。因为我好怕拖累到人哋，而我做事系有要求嘅人嚟，考虑到有一个咁好嘅组合，而黄子华亦系我心目中一位好好嘅演员。如果我去做拖累咗成套剧，咁就唔系几好。同埋系体能上，精神上都有好大嘅挑战。”