玛姬开骚嘉宾黄建东明言上台爆衫骚肌：你有冇谂过𠮶个系我演唱会
撰文： 吴子生
出版：更新：
玛姬（Maggie)今日（19/8）现身湾仔出席《玛姬给女王的盛宴慈善演唱会2024》记者会。玛姬受访时表示：“去年12月第一次举行我人生中嘅一场演唱会，谂住亦都系最后一次，点知相隔9月我又开第2场演唱会。不过今次呢个演唱会系慈善演唱会，变咗好多嘢我系唔使理。而上一次嘅演唱会系我自资去搞，所以有好多嘢都要自己一手一脚咁去做。今次呢个演唱会，我系请咗黄建东同尹光做嘉宾。”
黄建东接著说：“上次佢冇请我做嘉宾，我系嬲咗佢两日，不过今次佢肯请我做嘉宾，我梗系搏尽佢啦。听啲人讲做演唱会要除衫，平时我冇乜机机会，如果到时可以再Fit啲嘅话，我谂都会骚吓啲腹肌。”玛姬反问黄建东：“其实你有冇谂过𠮶个系我演唱会呀？不如你自己搞一个算啦，你搞到要除衫，你知唔知有小朋友嚟睇㗎。”黄建东笑说：“我怕你𠮶日着得密实会冇卖点呀！”